Qılmıs sanı tömendegen

0 18

Baqılaw beketteri men qala köşelerinde qoğamdıq tärtipti saqtawda polïcïyanıñ qarqındı rejïmde jumıs istep jatqandarına eki apta boldı. Qazirgi waqıtta qala boyınşa 26 jıljımalı beket bar. Polïcïya qızmetkerleri, Ulttıq ulan, Qorğanıs mïnïstrligine qarastı äskerï bölimderdiñ jawıngerleri qalanıñ barlıq awdanındağı azamattar men kölikterdiñ qozğalısın qatañ baqılaydı.QR Prezïdentiniñ keñesşisi Erlan Karïn öziniñ Facebook paraqşasında «Nur-Sultan men Almatı qalalarındağı küşeytilgen karantïn rejïmi qalay desek te öz nätïjesin bere bastadı. Memlekettik komïssïya eki qalada 28 nawrızdan bastap küşeytilgen karantïn rejïmin engizgennen keyin koronavïrws indeti taralwınıñ ösim qarqını bayawladı» dep jazdı. Ärïne, bul orayda polïcïyanıñ da eñbegi bar. Polïcïya qızmetkerleri qala köşelerinde kezdesken beysawat jürginşilerge karantïn kezindegi talaptardı qatañ saqtawdı eskertedi, köşede jürgen adamdardı arnayı elektrondı bazağa engizip qoyadı, eger eskertwdi qaperge ilmeytin bolsa, onda qoldanıstağı zañnamağa säykes, äkimşilik jawapkerşilik tartwğa mäjbür. Al bazada turğan adamdar karantïn talabın ekinşi ret buzsa, 27 mıñ teñge ayıppul tölewine twra keledi. Wçaskelik ïns­pektorlar turğındardıñ messendjerlerdegi çatına tirkelgen jäne olarğa qajetti aqparattı jetkizip turadı. Karantïn bastalğalı beri qalada tirkeletin qılmıs sanı aytarlıqtay tömendegen.
Elordanıñ awmağı köşelerdiñ şekaraları boyındağı alañdarğa bölingen, är alañdı tärtip saqşıları qadağalaydı. Nur-Sultan qalalıq polïcïya departamenti polïcïya bölimderi jeke quramdarı medïcïnalıq maskalar, qol­ğaptar, antïseptïkalıq zattar­men qamtamasız etilgen. Al mamandandırılğan patrwl'dik polïcïya batal'onında kezekti eñbek demalısına ketkenderdiñ bäri şaqırılğan, bügingi tañda barlığı jüz payız jumısta, bir sözben aytqanda, saqşılar tügel täwekel aymağında jumıs istep jatır.
Azamattardıñ sebepsiz üyden şığwı, tamaq, däri-därmek alw jäne jumısqa barwdı qospağanda, beysawat jürip-turwdıñ şektelgenine qaramastan, karantïn rejïmine moyınusınbaytındar kezdesedi. Qalalıq PD baspasöz qız­meti 31 jastağı qala turğınınıñ QR Äkimşilik quqıq buzwşılıq twralı kodeksiniñ 476-babı (tötenşe jağdaydı buzw) boyınşa äkimşilik jawapkerşilikke tartılğanın habarlaydı. Babatayulı köşesi boyımen kölik quraldarınıñ qozğalısın tekserw kezinde Audi markalı köliktiñ ïesi qozğalısqa ruqsat beretin qujattardı usınwdan bas tartıp, öziniñ üyden şığw sebebin tüsindire almağan.
Al blokpostarğa qatıstı aytsaq, elordağa kirw jäne şığwdıñ arnayı rejïmin buzğanı üşin jüzge jwıq adam jazalanğan. Olardıñ 84-i qamawğa alınıp, 14-ine ayıppul salınğan.

Pikir jazw

Poçtañız jarïyalanbaydı

5 × 4 =