قۇرىلىسشىلارمەن ونلاين كەزدەستى

0 8

نۇر-سۇلتان قالاسى اكىمى التاي كولگىنوۆ قۇرىلىس كومپانيالارى باسشىلارىمەن كەزدەستى. ونلاين-جينالىستا الدىن الا جوبالاۋدىڭ دايىندىعى، جەكە جوبالاۋدى جوسپارلاۋ، ينجەنەرلىك جەلىلەر مەن جۇيەلەردىڭ ورناتىلۋى جانە باسقا ماسەلەلەر تالقىلاندى. بيىل نۇر-سۇلتان قالاسىندا جەڭىلدەتىلگەن باعامەن ساتىلاتىن 8 مىڭنان اسا پاتەر سالىنادى.جالپى، بيىل قالادا تۇرعىن ءۇيدىڭ جالپى كولەمى شامامەن 3 ميلليون شارشى مەترگە جەتىپ وتىر. جىل باسىنان بەرى ەلوردادا 637 مىڭ شارشى مەتر پايدالانۋعا بەرىلدى. «ءبىز بىرلەسە الدىمىزعا ورتاق مىندەت قويىپ، جۇمىس جاساۋدامىز. ول – ازاماتتارىمىز ءۇشىن ءۇي سالۋ. بيىل مەملەكەت باسشىسىنىڭ تاپسىرماسى بويىنشا قۇرىلىس كولەمىن ارتتىرامىز، جەڭىلدەتىلگەن باعامەن بەرىلەتىن 8 مىڭنان اسا پاتەر سالىنادى. مىسالى، وتكەن جىلى 2900 الەۋمەتتىك پاتەر پايدالانۋعا بەرىلگەن. الەۋمەتتىك تۇرعىن ءۇي كەزەكتە تۇرعان ازاماتتارعا ارنالعان. ياعني بۇل – از قامتىلعان ازاماتتار ساناتى، «تۇرعىن ءۇي قۇرىلىس جيناق بانكىنىڭ» كەزەكتە تۇرعان سالىمشىلارى. ءبىز باسپاناعا كەزەكتى مەيلىنشە جىلدامداتۋعا تىرىسامىز. ءوز تاراپىمىزدان سىزدەردى قولداۋعا ءازىرمىز. بيۋروكراتيا بولماۋى كەرەك، قاجەت بولعان جاعدايدا ءار قۇرىلىس كومپانياسىمەن جەكە جۇمىس ىستەيمىز. سونداي-اق بيىل كەلەسى جىلعا دا جوسپار دايىنداۋ قاجەت» دەدى ەلوردا اكىمى.
كەزدەسۋ بارىسىندا التاي كولگىنوۆ جۇمىسپەن قامتۋ ورتالىعى ارقىلى جاڭا ­كادرلار الۋ كەرەكتىگىن ايتتى. «جۇمىسپەن قامتۋ جول كارتاسى» باعدارلاماسى بويىنشا 15 مىڭ جۇمىس ورنى اشىلاتىنىن ايتتى. سونىمەن قاتار وبەكتىلەردە ماسكا كيۋ، قاشىقتىق ساقتاۋ، سانيتارلىق تازارتقىشتار مەن دەزينفەكتسيا قۇرالدارىن ورناتۋ سياقتى قاتاڭ سانيتارلىق ەرەجەلەردى ساقتاۋ قاجەتتىگىن ەسكەرتتى.

پىكىر جازۋ

پوچتاڭىز جاريالانبايدى

2 × three =