Құрманғазының күйі

Биыл бас қалада күй атасы – Құрманғазының ескерткіші ашылды. Тіпті, бұл оқиға Астана күнінің ең басты мерекелік шарасы атанды. 

Ұлы композитор, дәулескер күй­ші Құрманғазы Сағырбайұлы­ның ес­керткіші елордадағы «Думан» қо­нақ­үй кешенінің аумағында ор­на­тылды.
Күй атасының 10 метрлік тас мүсі­­нінің авторы – мүсінші Асан Мол­дабаев.

Ескерткіштің ашылу салтанатында Елбасы Н.Назарбаев «Қазақ халқы барда Құрманғазының аты мәңгі өшпейді. Біз бүгінгі күні тағы да бір маңызды оқиғаның куәгері болып отырмыз, ол – халық композиторы Құрманғазы ескерткішінің ашылуы. Композитордың «Сары­арқа» күйі біз бүгін Астананы сал­­­ған, сол арқылы бүкіл әлемге та­ныл­­­ған далаға арналады. Құр­ман­­ғазы Са­ғыр­­байұлы – ХІХ ғасыр­­дағы қазақ тарихын, мәде­ние­тін және бүкіл халық­ты күйге бөлеген тұлға. Сон­­дық­тан да, халқымыз Құрман­ға­зы­ның күйін ұрпақтан-ұрпаққа жет­кізіп, жадында мәңгі сақтап келе­ді» дегені бар.

Бұл тас бейненің елдегі басқа мү­сін­дерден ерекшелігі – белгілі бір уақыттарда ескерткіштің жа­нын­­да күй ойнайтыны. Ескерткіш­ті көруге кел­ген адамдар дәулескер күй­шінің «Сарыарқа» күйін тың­дай алады. Бұ­ған дейін ел аума­ғын­да «күй ойнай­тын» ескерткіш ор­на­тыл­маған-ды.
Бұған дейін Құрманғазы ескерт­кіші тек өзі жерленген Ресейдің Астрахань облысында орнатылған. Айта кетерлігі, сол ескерткіш қай­та жаңғыртылып, онда арнайы мұ­ра­жай ашылды.

Айнұр САНАБЕК