قۇرباندىق شالاتىن ورىندار

بيىل قۇربان ايت مەيرامى 11-13 تامىز كۇندەرىنە بەلگىلەنىپ وتىر. اراپا كۇنى 10 تامىزعا سايكەس كەلەدى. مۇسىلماندىق پارىزىن اتقارۋعا نيەت ەتكەندەرگە قولايلى بولۋى ءۇشىن قالالىق اكىمدىك قۇرباندىق شالۋعا ارنالعان ورىنداردى بەكىتتى.

0 106

بايقوڭىر اۋدانىندا 4 ورىن بەلگىلەنگەن: «نۇربەرەكە-­555» جشس، الاش تاس­جولى، 30 («كوك بازاردىڭ» ارتىندا); «ەسجانوۆ ا.» جك، «جايلاۋ»، الاش تاسجولى، تس 313 كوشەسى; «شاۋشەن» شق، «نۇر-سۇلتان-پاۆلودار» تاس­جولىنىڭ 9-شاقىرىمى; «تەمەش» شارۋا قوجالىعى، نۇر-سۇلتان-سوفيەۆ­كا تاسجولىنىڭ 7-شاقىرىمى. ەلوردانىڭ قال­عان اۋداندارىندا ءبىر-ءبىر قاساپحانا جۇمىس ىستەيدى.
سارىارقا اۋدانىندا – «ۇلجان» امبەباپ بازارى (بۇرىنعى «سايانۇر» بازارى), ەسىل اۋدانىندا – «التىن تاعا» بازارى، قوسشى اۋىلىنىڭ الدى، الماتى اۋدانىندا «مەترو» ءسۇ (نۇر-سۇلتان-قاراعاندى تاسجولى) ماڭىندا قۇرباندىق شالۋعا ورىندار قاراستىرىلدى.
جاعدايى بار مۇسىلماننىڭ قۇربان شالۋى – ءۋəجىپ (مىندەت). قۇرباندىققا تۇيە، سيىر جəنە قوي (ەشكى دە) شالىنادى. قۇرباندىق مالى ايت نامازىنان كەيىن ايتتىڭ ءۇشىنشى كۇنى كۇن باتقانعا دەيىن شالىنادى.
قۇرباندىق ەتىن ۇشكە ءبولىپ تاراتۋعا بولادى. ءبىر بولىگى وزىنە قالادى، ەكىنشى بولىگى اعا­يىن-تۋىس، كورشىلەرگە بەرىلەدى، ءۇشىنشى بولىگى كومەككە مۇقتاج كىسىلەرگە تاراتىلادى.

پىكىر جازۋ

پوچتاڭىز جاريالانبايدى