قۋات ۇنەمدەگىش شىنى زاۋىتى اشىلادى

0 96

بيىلعى جىلدىڭ العاشقى جارتىجىلدىعىندا ەلوردادا قۋات ۇنەمدەيتىن شىنى زاۋىتى ىسكە قوسىلماق. وسىناۋ يننوۆاتسيالىق جوبامەن اينالىساتىن «قازشىنىقۇرىلىس» جشس باسشىلىعى زاۋىت بالاماسى جوق ءوندىرىس ورنىنا اينالاتىنىن العا تارتىپ وتىر.

بۇل تۋرالى رەسمي اقپارات تاراتقان astana.kz سايتى «بۇل باستاما استانادا 2017 جىلى وتەتىن ەكسپو حالىقارالىق كورمەسى قارساڭىندا وتە وزەكتى بولىپ وتىر» دەپ اتاپ وتكەن.

زاۋىت ەلىمىزدى قاۋىپسىز شىنى مەن جىلۋ-قۋات ۇنەمدەيتىن اينەك پاكەتتەرمەن قامتاماسىز ەتپەك. كاسىپورىن باسشىلارى ءوز ونىمدەرىنە روبوت تەحنيكاسى مەن الەمدىك قۋات ۇنەمدەيتىن ەڭ ۇزدىك تەحنولوگيالاردى قولدانامىز دەپ وتىر. بۇل – ەلىمىز بويىنشا وسى سالاداعى قولعا الىنىپ وتىر العاشقى جوبا. تىڭ جوبانى جۇزەگە اسىرعالى وتىرعان «قازشىنىقۇرىلىس» جشس بىلتىر پرەزيدەنتتىڭ «التىن ساپا» بايقاۋىندا «وندىرىستىك باعىتتاعى ۇزدىك كاسىپورىن» اتالىمى بويىنشا جەڭىمپاز اتانعان بولاتىن. ولاردىڭ ونىمدەرى ساپا جاعىنان دا، يننوۆاتسيالىق تەحنولوگيالاردى قولدانۋ جاعىنان دا ۇزدىك دەپ تانىلعان.

قىمبات توقتامۇرات

 

 

پىكىر جازۋ

پوچتاڭىز جاريالانبايدى

eight + two =