Qosımşa şaralar qajet

0 21

Prem'er-Mïnïstriniñ orınbasarı Eralı Toğjanovtıñ törağalığımen Vedomstvoaralıq komïssïya epïdemïologïyalıq jağdaydı odan äri turaqtandırw jäne karantïn şaraların kezeñ-kezeñimen alıp tastawğa dayındıq jönindegi şaralar keşenin qarastırdı.

Densawlıq saqtaw mïnïstr­­liginiñ ökilderi jäne bas memlekettik däriger epïdemïologïyalıq jağdaydı turaqtandırw körsetkişteri jäne küşeytilgen sanïtarlıq-dezïnfekcïyalıq rejïmde karantïn şaraların jeñildetwdiñ ıqtïmal joldarı twralı bayandadı. Sonımen qatar awrwdıñ öswine jol bermew maqsatında öñirlerdiñ jumısın baqılaw üşin birqatar jaña ïndïkatorlar usınıldı.
E.Toğjanov Densawlıq saqtaw mïnïstrligi men öñirlerdiñ basşılarına epïdemïologïyalıq jağdaydı qatañ baqılawda ustawdı jäne sırqattanwşılıq körsetkişin odan äri tömendetwdi qamtamasız etwdi tapsırdı. Sonday-aq, vïce-prem'er öñir basşılarına COVID-19-ben küreswde zardap şekken medïcïna qızmetkerlerine ötemaqınıñ waqıtılı tölenbewi twralı är fakti boyınşa şaralar qabıldawdı tapsırdı.
«Öñirler monïtorïngtik toptardıñ jumısınıñ tïimdiligin arttırwı tïis. Qajetinşe, jağdaydı odan äri jaqsartw üşin vedomstvolar men jergilikti bïlik jelisi boyınşa qosımşa şaralardı pısıqtaw kerek. Turğındarmen aldın alw jumıstarına, birinşi kezekte, maska rejïmin jäne älewmettik qaşıqtıqtı saqtawğa erekşe küş-jiger jumsaw qajet» dep atap ötti E.Toğjanov.

Pikir jazw

Poçtañız jarïyalanbaydı

one × four =