قوسىمشا شارالار قاجەت

0 21

پرەمەر-ءمينيسترىنىڭ ورىنباسارى ەرالى توعجانوۆتىڭ توراعالىعىمەن ۆەدومستۆوارالىق كوميسسيا ەپيدەميولوگيالىق جاعدايدى ودان ءارى تۇراقتاندىرۋ جانە كارانتين شارالارىن كەزەڭ-كەزەڭىمەن الىپ تاستاۋعا دايىندىق جونىندەگى شارالار كەشەنىن قاراستىردى.

دەنساۋلىق ساقتاۋ مينيستر­­لىگىنىڭ وكىلدەرى جانە باس مەملەكەتتىك دارىگەر ەپيدەميولوگيالىق جاعدايدى تۇراقتاندىرۋ كورسەتكىشتەرى جانە كۇشەيتىلگەن سانيتارلىق-دەزينفەكتسيالىق رەجيمدە كارانتين شارالارىن جەڭىلدەتۋدىڭ ىقتيمال جولدارى تۋرالى باياندادى. سونىمەن قاتار اۋرۋدىڭ وسۋىنە جول بەرمەۋ ماقساتىندا وڭىرلەردىڭ جۇمىسىن باقىلاۋ ءۇشىن بىرقاتار جاڭا ينديكاتورلار ۇسىنىلدى.
ە.توعجانوۆ دەنساۋلىق ساقتاۋ مينيسترلىگى مەن وڭىرلەردىڭ باسشىلارىنا ەپيدەميولوگيالىق جاعدايدى قاتاڭ باقىلاۋدا ۇستاۋدى جانە سىرقاتتانۋشىلىق كورسەتكىشىن ودان ءارى تومەندەتۋدى قامتاماسىز ەتۋدى تاپسىردى. سونداي-اق، ۆيتسە-پرەمەر ءوڭىر باسشىلارىنا COVID-19-بەن كۇرەسۋدە زارداپ شەككەن مەديتسينا قىزمەتكەرلەرىنە وتەماقىنىڭ ۋاقىتىلى تولەنبەۋى تۋرالى ءار فاكتى بويىنشا شارالار قابىلداۋدى تاپسىردى.
«وڭىرلەر مونيتورينگتىك توپتاردىڭ جۇمىسىنىڭ تيىمدىلىگىن ارتتىرۋى ءتيىس. قاجەتىنشە، جاعدايدى ودان ءارى جاقسارتۋ ءۇشىن ۆەدومستۆولار مەن جەرگىلىكتى بيلىك جەلىسى بويىنشا قوسىمشا شارالاردى پىسىقتاۋ كەرەك. تۇرعىندارمەن الدىن الۋ جۇمىستارىنا، ءبىرىنشى كەزەكتە، ماسكا رەجيمىن جانە الەۋمەتتىك قاشىقتىقتى ساقتاۋعا ەرەكشە كۇش-جىگەر جۇمساۋ قاجەت» دەپ اتاپ ءوتتى ە.توعجانوۆ.

پىكىر جازۋ

پوچتاڭىز جاريالانبايدى

one × 1 =