Қорқор тартуға шариғат қалай қарайды?

Ербол МӘМБЕТОВ, Сәдуақас қажы Ғылмани атындағы мешіттің найб-имам

Мәселен, Ислам дінінде темекі шегуге мәкруһ, яғни өте жағым­сыз амал деген үкім шығарылған. Ал, кальян шегудің адам денсаулығы­на келтірер зияны темекіден әлде­қай­да зор болып тұр ғой. Сондық­­тан, оның да мәкруһ екені ай­­­қын. Оның үстіне, темекі шегу де, кальян ше­гу де құмар болып саналады.

Қасиетті Құран-Кәрімнің «Ба­қа­ра» сүресінде «Өздеріңді өз қол­да­рыңмен қауіп-қатерге түсір­меңдер» деген жолдар бар.

Біздің діні­міз адам денсаулығына үл­кен көңіл бөледі. Себебі, Алла тағала адам баласының келбетін ерекше етіп жаратқан және ол Алла­ның ама­наты болып табылады. Сондықтан, адамның өз ден­­сау­­лы­ғына немқұрайлы қарауы Ал­ла­ның ама­натына қиянат болып саналады.

Кальян жайында әңгіме қозға­ғанда «мұны араб елдерінде де пай­­даланады ғой» деген пікірлер ай­ты­лып жатады. Пайғамбарымыз Мұ­хам­медтің (с.ғ.с) араб елі­­нен шық­қаны рас, бірақ солай екен деп, араб ұлтының әрбір әдетін үл­­гі тұт­пауымыз керек. Шариғатта көрсетілген амалмен жүруіміз қажет.

Қазақстан мұсылмандары діни басқармасы темекінің үкімін харам деп бекітіп берген. Менің ойымша, кальянға да сондай үкім шығару керек.

Шынар ДОСАН