قوعامنىڭ وزەكتى ماسەلەلەرى قامتىلدى

0 44

پرەزيدەنت قاسىم-جومارت توقاەۆ «حالىق بىرلىگى جانە جۇيەلى رەفورمالار – ەل وركەندەۋىنىڭ بەرىك نەگىزى» اتتى قازاقستان حالقىنا جولداۋىندا ەڭ قاستەرلى قۇندىلىعىمىز تاۋەلسىزدىك ەكەنىن اتاپ ءوتتى. ەلىمىز تورتكۇل الەمگە تانىلدى. بىرلىك، كەلىسىم ورنادى. قازىرگى ماقساتىمىز – ۇلت رۋحىن نىعايتۋ، حالىقتىڭ ءال-اۋقاتى مەن جاستاردىڭ بولاشاققا دەگەن سەنىمىن ارتتىرۋ.

مەملەكەت باسشىسى بۇگىنگىنىڭ وزەكتى ماسەلەلەرىنە توقتالىپ، وسى ماسەلەلەردى شەشۋ جولدارىن كورسەتتى. بۇل – پاندەميادان كەيىنگى كەزەڭدەگى ەكونوميكالىق دامۋ، دەنساۋلىق ساقتاۋ جۇيەسىنىڭ تيىمدىلىگىن ارتتىرۋ، ساپالى ءبىلىم بەرۋ، وڭىرلىك سايا­ساتتى جەتىلدىرۋ، ساياسي جاڭعىرتۋ جانە ادام قۇقىقتارىن قورعاۋ.
مۇعالىم رەتىندە مەملەكەت پەداگوگ مارتەبەسىن ارتتىرۋ جانە وسكەلەڭ ۇرپاققا ساپالى ءبىلىم بەرۋ ءۇشىن قولدان كەلگەننىڭ ءبارىن جاساپ جاتقانىن اتاپ وتكىم كەلەدى. بۇل پەداگوگيكالىق ماماندارىنىڭ سانىنىڭ وسۋىنە اسەر ەتتى، قازاقستاندىق وقۋشىلار حالىقارالىق پاندىك وليمپيادالاردىڭ جەڭىمپازدارى مەن جۇلدەگەرلەرى اتاندى، دارىندى بالالار مەن وسىنداي بالالاردى تاربيەلەگەن پەداگوگتارعا قولداۋ كورسەتىلىپ تۇرادى.
مۇعالىمنىڭ الدىندا ۇلكەن مىندەتتەر تۇر. بۇل – جاھاندىق وزگەرىستەر جاعدايىندا ءبىلىمدى جاڭارتىپ ۇلگەرۋ. سەبەبى تۇلەك ەڭبەك نارىعىنا شىققانعا دەيىن العان ماماندىعىنا سۇرانىس ازايۋى مۇمكىن. وسىعان بايلانىستى مۇعالىمدەردى قايتا وقىتۋدى 5 جىلدا ەمەس، 3 جىلدا ءبىر رەت جۇرگىزۋ ۇسىنىلدى. بۇل جاعدايدا قايتا وقىتۋ تەگىن بولۋى كەرەك. وسى مۇمكىندىك مۇعالىمدەرگە ءبىر قادام الدا بولۋعا جانە ترەند قالىپتاستىرۋعا مۇمكىندىك بەرەدى.
بۇگىندە تاعى ءبىر وزەكتى مىندەت – قاشىقتان وقىتۋ ناتيجەسىندە پايدا بولعان ءبىلىم الۋشىلاردىڭ بىلىمدەرىندەگى ەلەۋلى ولقىلىقتاردىڭ ورنىن تولتىرۋ. مەكتەپتەردە بىلىمدەگى ولقىلىقتاردى تولتىرۋ بويىنشا جۇمىس الگوريتمدەرى ازىرلەندى: پسيحولوگيالىق بەيىمدەلۋ، جەكە قولداۋ كورسەتۋ ءۇشىن وقۋشىلاردىڭ قاجەتتىلىكتەرىن زەردەلەۋ، سارالانعان تاپسىرمالاردى ىرىكتەۋمەن جەكە وقىتۋ جوسپارلارىن ازىرلەۋ جانە جۇمىستىڭ باسقا دا نىساندارى مەن تاسىلدەرى. ال جالپىعا مىندەتتى وقىتۋ شەڭبەرىندە الەۋمەتتىك وسال وتباسىلاردان شىققان بالالاردى ءداستۇرلى قولداۋدى «تسيفرلىق مۇعالىم» ءبىلىم بەرۋ جوباسىمەن تولىقتىرۋ ۇسىنىلادى.
مەكتەپتەردە ورىن جەتىسپەۋشىلىگى پروبلەماسى بار. 2025 جىلعا دەيىن كەمىندە 800 مەكتەپ سالۋ تۋرالى بۇرىن قويىلعان مىندەت ەندى جەكە سەكتوردى تارتا وتىرىپ، 1000 مەكتەپكە دەيىن ۇلعايتىلادى.
پرەزيدەنتتىڭ جوعارى ءبىلىم بەرۋ ساپاسىن ارتتىرۋعا، ەرتە كاسىپتىك باعدار بەرۋگە جانە بولاشاق ماماندىقتى تاڭداۋدى ۇعىنۋعا، سۇرانىسقا يە ماماندىقتار بويىنشا تەحنيكالىق جانە كاسىبي ءبىلىمدى 100 پايىز تەگىن بەرۋگە دە نازار اۋدارعانى قۋانتادى.
جالپى پرەزيدەنتتىڭ قازاقستان حالقىنا كەزەكتى جولداۋىندا قوعامنىڭ ەڭ وزەكتى ماسەلەلەرى قامتىلدى، ناقتى قادامدار، ناقتى ۇسىنىستار بەرىلدى، قويىلعان مىندەتتەردى ىسكە اسىرۋ بويىنشا پروبلەمالاردى شەشۋ ءۇشىن قاجەتتى جوبالار ۇسىنىلدى.

الماگۇل سەگىزباي،
نۇر-سۇلتان قالاسى
ءماسليحاتىنىڭ دەپۋتاتى

پىكىر جازۋ

پوچتاڭىز جاريالانبايدى

one + 4 =