قوعامدىق كەلىسىم نەگىزى

0 137

كەمەل بولاشاقتىڭ كەپىلىندەي ەلباسىنىڭ «قازاقستان-2050» ستراتەگياسى: قالىپتاسقان مەملەكەتتىڭ جاڭا ساياسي باعىتى» اتتى جولداۋىندا قازاقستاندىقتاردىڭ تەڭ قۇقىقتى ەكەنى، ەتنوستىق جانە باسقا دا بەلگىلەر بويىنشا حالىقتىڭ ارا-جىگىن اجىراتۋعا بولمايتىنى ايتىلعان. «قازىر ءبىز كوپۇلتتى سيپاتى بار ءبىرتۇتاس ەلمىز» دەدى قازاقستان رەسپۋبليكاسىنىڭ پرەزيدەنتى نۇرسۇلتان ­نازارباەۆ.

ەتنوسارالىق قاتىناستاردى رەتتەۋدە قوعامدىق كەلىسىم مەن بىرلىك قاعيدالارى الدىڭعى قاتارعا شىعاتىنى بەلگىلى. بۇل رەتتە مەملەكەتتىك ۇلتارالىق ساياساتتى جۇزەگە اسىرۋدا قاشاندا «قازاقستاننىڭ ەل بىرلىگى دوكتريناسى» جانە «قازاقستان حالقى اسسامبلەياسىن دامىتۋ ستراتەگياسى» باسشىلىققا الىنادى.

بۇگىنگى تاڭدا رەسپۋبليكامىزدى مەكەندەيتىن ۇلتتاردىڭ سالت-داستۇرلەرى مەن تاريحىن جانە مادەنيەتىن ناسيحاتتاۋدا ەلوردامىزدا 28 ەتنومادەني بىرلەستىك جۇمىس ىستەيدى.

استانا قالاسى قازاقستان حالقى اسسامبلەياسى قىزمەتىنىڭ ماڭىزدى باعىتى – جاس ۇرپاق­تى تولەرانتتىلىققا جانە ەتنيكارالىق كەلىسىمگە تاربيەلەۋ. وسى مىندەتتى ورىنداۋدا جەكسەنبىلىك مەكتەپتەردىڭ ماڭىزى زور. قالامىزدا مۇنداي 11 ءبىلىم وشاعى بار. نەمىس، پولياك، كورەي، تاتار-باشقۇرت، ۋكرايندىق «ۆاترا» جانە «وبەرەگ»، شەشەن-ينگۋش، قىرعىز، ءازىربايجان، ارميان، دالا ولكەسى كازاكتارى مەكتەپتەرىندە ءتۇرلى ۇلتتىڭ 569 وقۋشىسى ءتالىم الادى.

سونداي-اق، قالالىق اكىمدىك 2012 جىلى 23 قاراشادا ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىندە قازاقستان حالقى اسسامبلەياسىنىڭ استانا قالالىق حاتشىلىعىمەن بىرلەسە وتىرىپ ەلورداداعى ۇلتتىق ورتالىقتاردىڭ باسشىلارىمەن، ونىڭ بەلسەندى وكىلدەرىمەن كەزدەسۋ وتكىزدى. قازاقستاندىق ءپاتريوتيزمدى ناسيحاتتاپ، جاستاردىڭ وتانسۇيگىشتىك قاسيەتىن قالىپتاستىرۋدا مۇنداي كەزدەسۋلەردىڭ يگى اسەرى مول. جاڭا قازاقستاندىق پاتريوتيزم – ءبىزدىڭ كوپۇلتتى جانە كوپكونفەسسيالى قوعامىمىز جەتىستىكتەرىنىڭ نەگىزى ەكەنى تۋرالى ەلباسى جولداۋىندا دا باسا ايتىلدى.

جولداۋدىڭ «ءبىزدىڭ بۇل باعىتتاعى باستى ماقساتىمىز قاراپايىم جانە تۇسىنىكتى: ءبىز قوعامدىق كەلىسىمدى ساقتاۋعا جانە نىعايتۋعا ءتيىسپىز. بۇل – ءبىزدىڭ مەملەكەت رەتىندە، قوعام رەتىندە، ۇلت رەتىندە ءومىر ءسۇرۋىمىزدىڭ اينىماس شارتى» دەگەن جولدارى وتانداستارىمىزدى ورتاق جەڭىستەرگە جۇمىلدىرىپ، ولاردىڭ ەل الدىنداعى جاۋاپكەرشىلىگىن ارتتىرادى.

ايگۇل ۋايسوۆا

پىكىر جازۋ

پوچتاڭىز جاريالانبايدى

six + twenty =