قوعامدىق باقىلاۋ كۇشەيتىلدى

0 22

«استانا – ادالىق الاڭى» باقىلاۋ توبى جول جوندەۋ كەزىندە مەردىگەرلەر تاراپىنان جىبەرگەن كەمشىلىكتەردى قايتا تۇزەتۋدى تاپسىردى.«ساپالى جول» جوباسى اياسىندا «استانا – ادالدىق الاڭى» جوبالىق كەڭسەسىنىڭ وكىلدەرى ارنايى مونيتورينگتىك توپ جانە جۋرناليستەرمەن رەيدكە شىعىپ، ساتپاەۆ كوشەسىندەگى جول توسەمەسىنەن اقاۋ تاپتى.
«بىزگە جولدىڭ وسى بولىگىندەگى بىرنەشە جەردە اقاۋ بار ەكەنى تۋرالى اقپارات ءتۇستى. ەگەر جول جاقىن ارادا جوندەلمەسە، اسفالت توسەمەسىنە زاقىم كەلەدى. ءبىزدىڭ مىندەتىمىز – ءدال وسىنداي ماسەلەنى جۇمىس بىتكەن سوڭ ەمەس، دەر كەزىندە شەشۋ» دەيدى نۇر-سۇلتان قالالىق سىبايلاس جەمقورلىققا قارسى ءىس-قيمىل اگەنتتىگى دەپارتامەنتىنىڭ ارنايى مونيتورينگ توبىنىڭ مۇشەسى مارات ساتارقۇلوۆ.
بۇل جاعدايعا قوعام وكىلدەرى بەي-جاي قاراماعاندىقتان، مەردىگەر كومپانيا كەمشىلىكتى بىردەن تۇزەتتى. مامانداردىڭ پىكىرىنشە، مۇنداي ارەكەتتەردىڭ ناتيجەسىندە ساپا جاقسارادى.
«سونىمەن قاتار ءبىز تەحنيكالىق قاداعالاۋ قىزمەتىنىڭ جۇمىسىن باقىلايمىز. ولاردىڭ تەحنولوگيالىق پروتسەس­كە قاتىستى بارلىق تالاپتاردى جانە قاۋىپسىزدىك شارالارىن ورىندالۋىن قاتاڭ قاداعالايمىز» دەدى م.ساتارقۇلوۆ.
قالالىق «استانا – ادالدىق الاڭى» جوبالىق كەڭسەسىنىڭ باسشىسى ساۋلە بيسەمباەۆانىڭ ايتۋىنشا، بۇل باعىتتاعى جۇمىس كۇشەيتىلگەن.

پىكىر جازۋ

پوچتاڭىز جاريالانبايدى

17 + eleven =