قازىنا قارتتارعا قۇشاق اشتى

0 178

ناۋرىز مەيرامى قارساڭىندا «30 يگى ءىس» قايىرىمدىلىق ءىس-شارالارى بويىنشا سارىارقا اۋدانىندا ارداگەرلەرگە ارناعان «قازىنا» ورتالىعى اشىلدى.ورتالىقتىڭ جاتتىعۋ زالىندا سپورتپەن اينالىسۋ ءۇشىن بارلىق جاعداي جاسالعان. سونىمەن قاتار، زەينەتكەرلەر بوس ۋاقىتىن ءتيىمدى وتكىزىپ، ۇستەل ويىندارىن ويناسا، ءتۇرلى فورماتتاعى ءىس-شارالاردى ۇيىمداستىرسا بولادى. «ەكى جىلدان بەرى قارتتارعا ارناپ وسىنداي ورتالىقتار اشۋدى قولعا العان ەدىك. ونىڭ ناتيجەسىن وزدەرىڭىز دە كورىپ جۇرسىزدەر. ەڭ ءبىرىنشى ورتالىقتى بىلتىر سول جاعالاۋدان اشتىق. كەيىن اۋدانداردا دا اشىلسا ەكەن دەگەن ۇسىنىس ءتۇسىپ، قولداۋ تاپتى. بۇگىن ناۋرىز مەرەكەسىنىڭ قارساڭىندا وسى ورتالىقتى اشىپ وتىرمىز. قارتتارىمىز جايلى، قامسىز ءومىر ءسۇرۋى كەرەك» دەدى باقتيار ماكەن.
اشىلۋ سالتاناتىندا زەينەتكەر گريگوري شيشوۆ العىسوز سويلەدى. ول 1940 جىلى دۇنيەگە كەلگەن، ال ونىڭ اتا-اناسى قازاقستانعا 1907 جىلى ءستولىپيننىڭ اگرارلىق رەفورماسى بويىنشا تىڭ يگەرۋدە كەلگەن. «80 جاسقا كەلگەندە ەلىمىزدىڭ ارداگەرلەرگە دەگەن قامقورلىعىن سەزىنگەنىم قۋانتادى. ەندى بوس ۋاقىتىمىزدا وسى ورتالىققا كەلىپ سپورتپەن شۇعىلدانىپ، جورا-جولداستارىمىزبەن ۇزاق ۋاقىت وتكىزەتىن بولدىق. بارشاڭىزدى كەلە جاتقان ناۋرىز مەرەكەسىمەن قۇتتىقتايمىن» دەدى زەينەتكەر.
ەستەرىڭىزگە سالا كەتەيىك، بۇگىنگى تاڭدا سارىارقا اۋدانىندا 25 مىڭنان استام زەينەتكەر، ونىڭ ىشىندە 7 سوعىس ارداگەرى، 1 240 ەڭبەك ارداگەرى بار. ولاردىڭ بوس ۋاقىتىن ۇيىمداستىرۋ ءۇشىن اۋداندا زەينەتكەرلەرگە ارنالعان 3 ورتالىق جۇمىس ىستەيدى.

پىكىر جازۋ

پوچتاڭىز جاريالانبايدى

four × four =