Qazaqï älemmen qawıştı

0 100

«Qazaqstan amerïkalıqtar közimen: dalamen sırlasw» derekti fïl'mi AQŞ-tıñ Tampa (Florïda) qalasında ötken «Gaspïralla» halıqaralıq kïnofestïvalinde üzdik dep tanıldı.

Büginge deyin Napoleon, Odïssey sındı tarïhï obrazdardı somdap, älemge tanılğan Armand Assante 2010 jılğı qazanda dünïejüzilik rwhanï kelisim künine oray elordamızğa kelgen. Qazaq eli men jerine süysingen akter osı el twralı tıñ dünïe jasawdı uyğarğan edi. «Rwhanï kelisim kongresi» halıqaralıq qorınıñ prezïdenti, Senat depwtatı Tölegen Muhamedjanov bul ïdeyanı jüzege asırwğa talpınıs tanıtqan. Söytip, elimizdegi ärtürli därejedegi lawazımdı qızmetkerler men jekelegen toptardıñ qoldawımen jïnalğan 150 mıñ dollarğa fïl'm dayındaldı.
Elimizde tüsirilip, Amerïkada montajdalğan derekti fïl'mniñ uzaqtığı – 27 mïnöt. Alayda, osı az waqıttıq beynematerïalğa Armand Assante köp mağlumat sıydıradı. Munda elimizdiñ Täwelsizdik alğannan keyin yadrolıq qarwdan bas tartıp, älemdi beybitşilikke şaqırğanı, äygili «ALJÏR» lagerinde jatqandarğa tas atqanday bolıp, qurt laqtırıp, janaşırlıq tanıtqanı, qızıl ïmperïyanıñ tutqındarın da aştıqtan qutqarmaq bolğanı süysine bayandaladı. Qazaqtıñ 40 payızın joyğan 1932 jıldardağı aştıqta sezimtaldıqpen körinis tabadı.
«Qazaqstannıñ soñğı 300 jılda, äsirese, soñğı 80 jılda bastan ötkergeni bul eldiñ äw bastan jer şarına, bükil adamzat qawımına ıqpal etetin beybitqumarlığı men keñpeyildiligine baylanıstı. Prezïdent Nursultan Nazarbaev soñğı 20 jılda ğajap dünïe jasadı dewge boladı. Quldıraw şegindegi eldiñ eñsesin köterdi. Älem moyındap, köptegen elder sanasatınday deñgeyge jetkizdi», – dep mälimdepti kïno avtorı Armand Assante AQŞ-tağı «CineBistro» teatrında fïl'mniñ tanıstırılımı öt-kennen keyin.
P.S.
Soñğı mälimet boyınşa «Örkenïetter al'yansı» halıqaralıq qorı jüldeli fïl'mdi dünïejüzindegi 80 telearnağa taratıp ülgergen. «Rwhanï kelisim kongresi» halıqaralıq qorınıñ prezïdenti Tölegen Muhamedjanovtıñ aytwınşa, bul tizim tağı 120 telearnamen tolıqpaq.
Bul – Qazaqstandı älem halıqtarı tereñ tanï bastadı degen söz.

Näzïra BAYIRBEK

Pikir jazw

Poçtañız jarïyalanbaydı

18 − seventeen =