قازاق قىزى قارا قۇرلىقتى مويىنداتتى

0 123

photo_65597

تاياۋدا ءتۋنيستىڭ موناستير قالاسىندا شاحماتتان «ريدا بەلكادي مەموريالى»­ ءتۋرنيرى ءوتتى.
بۇل جارىستا­ حالىقارالىق دارەجەدەگى قازاقستاندىق گروسسمەيستەر دينارا سادۋاقاسوۆا جەڭىسكە جەتىپ، ەل ابىرويىن اسقاقتاتىپ قايتتى.

الەمنىڭ 15 ەلىنەن 85 شاحماتشى قاتىسقان جارىستىڭ اشىلۋ سالتاناتىنا فيدە پرەزيدەنتى كيرسان يليۋمجينوۆ پەن تۋنيس ەلىنىڭ پرەزيدەنتى مونسەف مارزۋكي قاتىسىپ، قاتىسۋشىلارعا ساتتىلىك تىلەدى.

22 شاحماتشى سىنعا تۇسكەن ايەلدەر كاتەگورياسىندا ءبىزدىڭ دينارا 9 تۋردىڭ ناتيجەسى بويىنشا 8,5 ۇپاي جيناپ، قارسىلاستارىنان وق بويى ۇزاپ كەتتى. ەكىنشى ورىنعا 7,5 ۇپايى بار موڭعوليا سپورتشىسى ەنكحتۋل التانۋلزي تۇراقتاسا، ۇزدىك ۇشتىكتى 6 ۇپايمەن الجيرلىك امينا مەزيۋد قورىتىندىلادى. ال، ەرلەر اراسىنداعى باسەكەدە ستانيسلاۆ نوۆيكوۆ رەسەيدىڭ ءۇمىتىن اقتادى.

دينارا سادۋاقاسوۆا بۇعان دەيىن-اق، ياعني 2012 جىلى حالىقارالىق گروسسمەيستەر اتاعىن العان بولاتىن. ءوزى – جاسوسپىرىمدەر اراسىندا الەمنىڭ بىرنەشە دۇركىن جەڭىمپازى.

ايتا كەتەيىك، ريدا بەلكادي – قارا قۇرلىقتان شىققان تۇڭعىش حالىقارالىق دارەجەدەگى گروسسمەيستەر جانە تۋنيس شاحمات فەدەراتسياسىنىڭ نەگىزىن قالاۋشى ازاماتشا. تۋرنير سونىڭ قۇرمەتىنە ارنالدى.

 

پىكىر جازۋ

پوچتاڭىز جاريالانبايدى

14 − seven =