قاۋىپسىز ءارى جايلى بولسىن دەسەك…

0 120

استانا قالاسى ىشكى ىستەر دەپارتامەنتىندە وتكەن جەدەل كەڭەستە  قازاقستان رەسپۋبليكاسى باس پروكۋرورى مەن قالا اكىمى بەكىتكەن «ەلورداداعى قاۋىپسىزدىك پەن جايلىلىق» جوباسى تالقىلاندى. 

2323211ts

بۇل جوبانىڭ ماقساتى – قالا اۋماعىندا قاۋىپسىزدىكتى قامتاماسىز ەتۋ عانا ەمەس، بۇكىل الەم كوز تىگىپ وتىرعان «ەكسپو – 2017» حالىق­ارالىق كورمەسىنىڭ ويداعىداي وتۋىنە بارىنشا اتسالىسىپ، وعان كەلەتىن قوناقتاردىڭ الاڭسىز بولۋى ءۇشىن جاسالىپ جاتقان جان-جاقتى دايىندىق شارالارىن ۇيلەستىرۋ بولىپ تابىلادى. وسى باعىتتا پوليتسيانىڭ الدىندا ۇلكەن مىندەتتەر قويىلىپ وتىر. سوندىقتان، قازىردەن باستاپ مەم­لەكەتتىك ورگانداردىڭ كۇشىن ءبىر جۇيەگە بىرىكتىرىپ، تۇرعىندار اراسىندا ۇگىت-ناسيحات، تۇسىنىك جۇمىستارىن جۇرگىزۋ ماڭىزدى» دەدى ءوز سوزىندە استانا قالاسى ىشكى ىستەر دەپارتامەنتىنىڭ باستىعى، پوليتسيا گەنەرال-مايورى امانتاي اۋباكىروۆ.
جوبانى جۇزەگە اسىرۋعا ون جەتى مەملەكەتتىك ورگان مەن كۆازيمەملەكەتتىك سەكتور قاتىسۋدا. قازىر ولار ەلوردادا تۇرعىنداردىڭ ۋاقىتتى قاۋىپسىز دە جايلى وتكىزۋىنە مۇمكىندىك بەرەتىن 6 باستى باعىتتاعى 172 ءىس-شارا كەشەنىن ۇسىنىپ وتىر. ماسەلەن، «قاۋىپسىزدىك» باعىتىنا قوعامدىق ءتارتىپ، توتەنشە جاعدايلاردى بولدىرماۋ نەمەسە ونىڭ سالدارىن جويۋعا شۇعىل دايىندىق شارالارى، ەكونوميكالىق، سانيتارلىق قاۋىپسىزدىك، تاعى دا باسقا ماسەلەلەر كىرسە، «جايلىلىق» باعىتىنا ساپالى قىزمەت كورسەتۋ، تۋريستىك جايلىلىقتى ورنىقتىرۋ، تاعى باسقا دا شارالار ەنگىزىلگەن.

مىنە، وسىنىڭ بارلىعىن حالىققا جەتكىزۋ، كەڭىنەن ناسيحاتتاۋ، تالداۋ جاساۋ باعىتىنداعى جۇمىستارعا باسشىلىق جاساۋ ءۇشىن قوعامدىق اۋديت رەتىندە كوپشى­لىككە تانىمال ازامات، بلوگەر مۇرات ابەنوۆ تارتىلىپ وتىر.

باعدارلامانىڭ تولىق ورىندالۋى باعىتىندا اتقارىلىپ جاتقان شارۋالارعا توقتالعان استانا قالاسى جەرگىلىكتى پوليتسيا باس­تىعىنىڭ مىندەتىن اتقارۋشى عوسمان جاقين 2017 جىلدىڭ 15 ناۋرىزىنان 1 ماۋ­­-سىمعا دەيىن ەلوردادا ىشكى ىستەر ورگاندارى، مەملەكەتتىك كىرىس، قىل­مىستىق اتقارۋ جۇيەسى، تۇرعىن ءۇي ينس­پەكتسياسى قىز­­مەتكەرلەرىنىڭ قاتىسۋىمەن «ۋچاس­كە» جەدەل الدىن الۋ ءىس-شاراسى وتكىزىلىپ جاتقانىن تىلگە تيەك ەتتى. ونىڭ نەگىزىندە قالادا 1089 پاتەر ەسەپكە الىنعان. مىندەتتى سالىق تولەۋ­دەن جالتارىپ كەلگەن – 440, جەڭىل ءجۇرىس­تىلەرگە جالعا بەرى­لەتىن 12 پاتەر انىقتالعان.

بەلگىلەنگەن تارتىپكە سايكەس، لاڭكەستىككە قارسى الدىن الۋ شارالارى باعدارلاماسىندا بارلىق نىساندارعا بەينەكامەرالار ورناتىلىپ، ونداعى جازبالاردىڭ ساقتالۋ مەرزىمى وتىز تاۋلىكتەن كەم بولماۋ كەرەك. مىنە، وسى باعىتتا ءبىلىم بەرۋ، دەنساۋلىق ساقتاۋ، مادەنيەت پەن سپورتقا قاتىستى 241 نىسان تەكسەرىلىپ، ونىڭ جارتىسىنان كوبىنە جۇمىس­تارىن جولعا قويۋ جونىندە ۇيعارىم شىعارىلدى. جەدەل كەڭەس جۇمىسىنا استانا قالاسىنىڭ پروكۋرورى بولات دەمباەۆ قاتىسىپ، كوتەرىلىپ وتىرعان ماسەلەلەرگە وراي ءوزىنىڭ وي-پىكىرلەرى مەن ۇسىنىستارىن ايتتى. پوليتسيا قىزمەتكەرلەرى «ەل­ور­­داداعى قاۋىپسىزدىك پەن جاي­لى­­لىق» جوباسى اياسىندا الداعى ۋا­­قىتتا دا حالىقپەن تىعىز قارىم-قا­تىناستا جۇمىس ىستەيتىن بولادى.

تاڭاتار تولەۋعاليەۆ،
«استانا اقشامى»

پىكىر جازۋ

پوچتاڭىز جاريالانبايدى

2 × 2 =