QARTTAR QURMETİNE QUYQILJIDI ÄN

0 171

ERA_9287

Halıqaralıq qarttar küni qarïyalardıñ köñilin serpiltken şaralar qatarına «Jastar» sarayında ötken koncertti de qoswğa boladı.

Bul küni qarttardıñ aldında halıqaralıq jäne respwblïkalıq bayqawlardıñ lawreattarı, İİM işki äskerleriniñ än-bï ansambli, jañadan tanılıp kele jatqan jas änşiler, «Nomad» tobınıñ bïşi baldırğandarı öner kör­setti. Koncerttik bağdarlamağa qarïyalardıñ özderiniñ de mw­zıkalıq nömirleri engizilip, «Şañıraq» aq äjeler horı, «Veteran» jäne astanalıq Eñbek ardagerleri horları «Bïpıl», «Jaydarman» sekildi qazaq jäne orıs halıq änderin de aytıp, bir serpilip aldı.

Äsirese, Janar Ädilbekova şırqağan «Şaşılayın şuğılañ bolıp, Şırqa köñil bügin än bolıp. Aman-esen jürseñder eken, Bet tüzeytin qubılam bolıp» degen än joldarı tek ata-anağa ğana emes, zalda otırğan barlıq qarïyalarğa arnalğanday estildi.

Sahnağa Muqağalï attı änşi şığa kelgende aldımızğa aqïıq aqın tirilip kelgendey äser etti. Ataqtı attasındıkindey qayrattı, qalıñ qara şaş ösirgen bul önerpaz qarttarğa jastıq şaqtarın sağındırtıp, qırğız kompozïtorı Tügelbay Qazaqovtıñ «Jañbır töktw» änine saldı. «Kök türikter» halıq aspaptar ansambli türkilik sarınnıñ qanday bolatının körsetip berdi.

Qarttardı merekemen qa­lalıq Ardagerler keñesiniñ törağası Amangeldi Sızdıqov quttıqtap: «Ötken jıldardağı eñbekteriñizdiñ jemisin körip, nemere-şöbereleriñizdi tär­bïelep, aman jüriñizder. Qay­sılarıñızdıñ bolsın mem­leketimizdiñ keşegisine de, bü­gingisine de, bolaşağına da qos­qan ülesteriñiz zor. Sondıqtan, memleketimiz sizderge rïza şığar dep oylaymın. Denderiñiz saw bolsın, qartaymañızdar, aramızda jürip, elimizdiñ körkey­genin köre beriñizder!» dep izgi lebizin bildirdi.

Amanğalï ŞMÏTULI

Pikir jazw

Poçtañız jarïyalanbaydı

5 × 4 =