Qara sözdiñ jüyrigi edi

0 290

Belgili jazwşı, qazaq lïrïkalıq prozasınıñ körnekti ökili Talğat Keñesbaev 58 jasqa qarağan şağında awır nawqastan keyin dünïeden ötti.

1961 jıldıñ 15 tamızında burınğı Semey, qazirgi Şığıs Qazaqstan oblısı Abay awdanı Sarjal awılında twıp, Semey pedagogïkalıq ïnstïtwtın bitirdi. Ädebïet äleminiñ esigin ötken ğasırdıñ sekseninşi jıldarı «Francwz ätiriniñ ïisi» äñgimesimen aşıp, bul şığarmasımen «Jiger» festïvalinde proza atalımı boyınşa lawreat atandı. Osı twındınıñ atawımen alğaşqı kitabı jarıq kördi.

Jazwşınıñ «Ünsiz nota», «Lenïnniñ bäteñkesi», «Mersedes», «Tün qusınıñ muñlı üni» äñgimelerin, «Gawhar», «Oyşoğır» povesterin, «Mocart» romanın oqırmandar jılı qabıldadı.

Ötken jılı «Ult bolmısı» jwrnalı uyımdastırğan ädebï bäygede Alaş ïdeyasın qoldağan mecenat Ïke Ädilulınıñ ömiri men qızmetin swrettegen «Tünde uşqan qarşığa» povesimen bas jüldeni ïelendi. Zwqa batırdıñ twğanına 150 jıl tolwına oray ötken şığarmaşılıq bayqawda jüldeger atandı. Birqatar şığarmaları qırğız tiline awdarıldı.

Talğat Keñesbaev ömiriniñ soñğı jıldarı «Qızıl jwsan» jwrnalına redaktorlıq etti. Ülkenge qurmet, kişige izet körsetip, keyingi bwınğa qamqorlıq tanıtqan qalamgerdiñ jarqın beynesi jadımızda mäñgi saqtaladı. Ïmanıñ joldas bolsın, baqul bol, qara sözdiñ jüyrigi!

«Elorda Aqparat» medïakompanïyası jäne

«Astana aqshami» gazeti redakcïyasınıñ ujımı

Pikir jazw

Poçtañız jarïyalanbaydı

17 + 17 =