قارا ءسوزدىڭ جۇيرىگى ەدى

0 290

بەلگىلى جازۋشى، قازاق ليريكالىق پروزاسىنىڭ كورنەكتى وكىلى تالعات كەڭەسباەۆ 58 جاسقا قاراعان شاعىندا اۋىر ناۋقاستان كەيىن دۇنيەدەن ءوتتى.

1961 جىلدىڭ 15 تامىزىندا بۇرىنعى سەمەي، قازىرگى شىعىس قازاقستان وبلىسى اباي اۋدانى سارجال اۋىلىندا تۋىپ، سەمەي پەداگوگيكالىق ينستيتۋتىن ءبىتىردى. ادەبيەت الەمىنىڭ ەسىگىن وتكەن عاسىردىڭ سەكسەنىنشى جىلدارى «فرانتسۋز ءاتىرىنىڭ ءيىسى» اڭگىمەسىمەن اشىپ، بۇل شىعارماسىمەن «جىگەر» فەستيۆالىندە پروزا اتالىمى بويىنشا لاۋرەات اتاندى. وسى تۋىندىنىڭ اتاۋىمەن العاشقى كىتابى جارىق كوردى.

جازۋشىنىڭ «ءۇنسىز نوتا»، «لەنيننىڭ باتەڭكەسى»، «مەرسەدەس»، «ءتۇن قۇسىنىڭ مۇڭلى ءۇنى» اڭگىمەلەرىن، «گاۋھار»، «ويشوعىر» پوۆەستەرىن، «موتسارت» رومانىن وقىرماندار جىلى قابىلدادى.

وتكەن جىلى «ۇلت بولمىسى» جۋرنالى ۇيىمداستىرعان ادەبي بايگەدە الاش يدەياسىن قولداعان مەتسەنات يكە ءادىلۇلىنىڭ ءومىرى مەن قىزمەتىن سۋرەتتەگەن «تۇندە ۇشقان قارشىعا» پوۆەسىمەن باس جۇلدەنى يەلەندى. زۋقا باتىردىڭ تۋعانىنا 150 جىل تولۋىنا وراي وتكەن شىعارماشىلىق بايقاۋدا جۇلدەگەر اتاندى. بىرقاتار شىعارمالارى قىرعىز تىلىنە اۋدارىلدى.

تالعات كەڭەسباەۆ ءومىرىنىڭ سوڭعى جىلدارى «قىزىل جۋسان» جۋرنالىنا رەداكتورلىق ەتتى. ۇلكەنگە قۇرمەت، كىشىگە ىزەت كورسەتىپ، كەيىنگى بۋىنعا قامقورلىق تانىتقان قالامگەردىڭ جارقىن بەينەسى جادىمىزدا ماڭگى ساقتالادى. يمانىڭ جولداس بولسىن، باقۇل بول، قارا ءسوزدىڭ جۇيرىگى!

«Elorda Aqparat» مەدياكومپانياسى جانە

«Astana aqshami» گازەتى رەداكتسياسىنىڭ ۇجىمى

پىكىر جازۋ

پوچتاڭىز جاريالانبايدى

4 × 2 =