قانداي كاسىپكەرلەر سالىقتان بوساتىلادى؟

0 29

مەملەكەت باسشىسى قاسىم-جومارت توقاەۆتىڭ جارلىعىنا سايكەس ميكرو، شاعىن بيزنەس سالاسىنداعى جانە ار­ناۋلى سالىق رەجيمدەرىن تولەيتىن كوم­پانيا­لار ءۇش جىلعا تابىس سالى­عىنان جانە تەكسەرۋدەن بوساتىلدى. بۇل ساناتقا رەسپۋبليكا بويىنشا 1,2 ملن كاسىپكەرلىك سۋبەكتىسى كىردى.2019 جىلدىڭ 11 ايىنىڭ ەسەبى بويىنشا ەلىمىزدە 8 ترلن 514 ملرد تگ سالىق ءتۇستى. مەملەكەتتىك كىرىس بيۋدجەتىنىڭ جوسپارى 101,3 پايىز ورىندالدى. رەسپۋب­ليكالىق بيۋدجەتتىڭ تازا تابىسى 6 ترلن 219 ملرد تگ قۇرادى. ەندى موراتوري جاريالانعاننان كەيىن مەم­­لەكەتتىك بيۋدجەتكە 200 ميلليارد تەڭگە كەم جينا­لۋى مۇمكىن. بۇل تۋرالى پرەمەر-ءمينيستردىڭ ءبىرىنشى ورىنباسارى – قارجى ءمينيسترى ءاليحان سمايىلوۆ ءمالىم ەتتى.
– وتكەن جىلى ميكرو جانە شاعىن بيزنەستەن بيۋدجەتكە 190 ميلليارد تەڭگە سالىق جينالدى. 2020 جىلى بۇل كومپانيالاردى جانە جەكە كاسىپكەرلەردى سالىقتان بوساتاتىن بولساق، بيۋدجەت 200 ميلليارد تەڭگە جوعالتۋى مۇمكىن. بىراق ءبىز ونىڭ ورنىن سالىقتىق جانە كەدەندىك اكىمدەۋدى جەتىلدىرۋ ارقىلى تولتىرۋدى كوزدەپ وتىرمىز، – دەدى ءا.سمايىلوۆ.
ەندى بيزنەس سۋبەكتى­لە­رىنىڭ جىكتەلۋىنە از-كەم انىقتاما بەرە كەتەيىك. قر كاسىپكەرلىك كودەكسىنىڭ ەرەجەلەرىنە سايكەس، جۇمىس­كەرلەرىنىڭ جىلدىق ورتاشا سانى 15 ادامنان اسپايتىن نەمەسە جىلدىق ورتاشا كىرىسى ايلىق ەسەپتىك كورسەتكىشتىڭ 30 مىڭ ەسەلەنگەن مولشەرىنەن اسپايتىن جەكە كاسىپكەرلىك پەن زاڭدى تۇلعالار ميكروكاسىپكەرلىك سۋبەك­تىلەرى بولىپ تابىلادى. زاڭدى تۇلعا قۇرماعان جەكە كاسىپكەرلەر جانە جۇمىسكەرلەرىنىڭ جىلدىق ورتاشا سانى 100 ادامنان اسپايتىن جانە جىلدىق ورتاشا كىرىسى ايلىق ەسەپتىك كورسەتكىشتىڭ 300 مىڭ ەسەلەنگەن مولشەرىنەن اسپايتىن (بۇل – جىلىنا شامامەن 757 ميلليون تەڭگە), كاسىپكەرلىكتى جۇزەگە اسىراتىن زاڭدى تۇلعالار شاعىن كاسىپكەرلىك سۋبەكتىلەرى بولىپ تابىلادى. اتالعان ۇيىمدار جەكە جانە كورپوراتيۆتىك تابىس سالىعىنان بوساتىلاتىن بولدى.
بىلتىر باس قالادا 100 مىڭعا تارتا بيزنەس سۋبەكتىلەرى تىركەلگەن. بۇل وتكەن جىلمەن سالىستىرعاندا 18 پايىزعا ارتىق. سونىمەن قاتار كاسىپكەرلىك سالاسى قالادا جىلدان-جىلعا ءوسىپ كەلە جاتقانى بايقالادى. كەيىنگى سەگىز جىلدا ونىڭ سانى بەس ەسەگە ۇلعايعان. بۇل سالادا 300 مىڭنىڭ ۇستىندە ادام جۇمىس ىستەيدى. ياعني ءاربىر ءۇشىنشى استانالىق تۇرعىن كاسىپپەن اينالىسادى دەگەن ءسوز. سالىق تۇسىمدەرىنىڭ 53 پايىزىن شاعىن جانە ورتا بيزنەس بەردى. ول – اقشاعا شاققاندا 560 ميلليارد تەڭگە (1,5 ميلليارد دوللار).
موراتوري كەزىندە شاعىن كاسىپكەرلىكتى تەكسەرۋ تىيىم سالىنعانمەن، بيزنەستىڭ ءوزىن-ءوزى رەتتەۋىن، قوعامدىق باقىلاۋ كۇشەيتىلەتىن بولماق. بىراق شاعىن كاسىپكەرلىك سۋبەكتىلەرى زاڭ بۇزسا، شارا قولدانىلادى.
وتكەن جىلى مەملەكەتتىك كىرىستەر ورگاندارى كاسىپكەرلىك سۋبەكتىلەرىنە قاتىستى 27187 سالىقتىق تەكسەرىس جۇرگىزگەن. ول مۇنىڭ الدىنداعى جىلدىڭ ۇقساس مەرزىمىمەن سالىستىرعاندا 28,7 پايىزعا از. تەكسەرۋدىڭ 6957-ءسى كەشەندى جانە تاقىرىپتىق باعىتتا ءوربىدى، ونىڭ 5089-ى شاعىن بيزنەس سۋبەكتىلەرىنە قاتىستى (بارلىق تەكسەرىستىڭ 73 پايىزى).
مەملەكەت باسشىسىنىڭ جارلىعىنا سايكەس موراتوري ناۋقانىنا ىلىككەن سۋبەكتىلەر تەك وسى ءۇش جىلدىق مەرزىم ىشىندە پايدا بولعان سالىقتىق مىندەتتەمەلەردى تولەۋدەن عانا بوساتىلادى. سونداي-اق 2020 جىلعا دەيىن، ياعني تىيىم جاريالانباي تۇرىپ باستالىپ كەتكەن تەكسەرىستەر ۋاقىتتىق شەكتەۋ­گە قاراماستان تولىقتاي اياقتالۋى ەسكەرىلەدى.

پىكىر جازۋ

پوچتاڭىز جاريالانبايدى

1 × one =