Qanat ÖKSİKBAEV, Joo.kz jobasınıñ avtorı: Talapkerlerdiñ tegin bilim alwına kömektesemiz

1 2  484

Köktem kele salısımen mektep bitirwşiler bolaşaq mamandıqtarı men oqw orındarı jaylı jan-jaqtan aqparat izdep, qamdana bastaytını belgili. Alayda munday mälimetterdiñ bärin bir jerden tabw qïın: är jılda bölingen granttar tizimi, olarğa tüswdiñ şektik balı, JOO ornalasqan qalalar sekildi derekterdi talapkerler alwan türli sayttar men gazet betterin aqtarıp otırıp izdewge mäjbür. Osı mäseleni eskergen Qanat Öksikbaev jaqında Joo.kz attı jobanı jasap şığardı. Äñgime barısında ol bizge atalğan startaptıñ erekşeligi men maqsatın aytıp berdi.

 

Ïdeya qalay twdı?

2017 jılı bir dosım­men kezdesken edim. Kö­ñil küyi tüsip ketken. Män-­jaydı bilsem, qarındası oqw bitirip, UBT-dan 68 ball alıptı. Wayımı – grantqa ümit joq, al aqılı türde oqıtwğa qaltaları kötermeydi.
Sosın ekewmiz ïnternet­ten grantqa qatıstı aq­parat izdewge kiristik. Aqı­rında barlıq mümkinşilikterdi asıqpay saralap, grantqa iligw ıq­tïmaldığı eñ joğarı tört mamandıqqa qu­jat tapsırdıq. Nätïjesinde älgi qarındasımız üşinşi tañdağan mamandığı boyınşa mem­­­lekettik grant ïegeri atan­dı. Äke-­şeşesiniñ ­qwanışında şek joq.
Osı jağdaydan soñ ­ta­­lapkerlerge JOO men ma­­mandıqtar jaylı to­lıq­qandı mälimet bere­tin, sonday-aq olardıñ UBT-da jïnağan balı bo­yınşa grant ïelenw mümkindikterin saralap beretin portal aşwdı oylastırdım.

 

Portal qanday mälimetti usınadı?

Joo.kz portalında otandıq JOO, olardağı oqw aqısınıñ jıldıq ortaşa mölşeri, jataqhanası jäne äskerï kafedrasınıñ bar-joqtığı, stwdentteriniñ sanı, är mamandıqtıñ qay jerde oqıtılatını jäne olarğa tüsw üşin qajetti tañdaw päni tärizdi mälimet jan-jaqtı körsetilgen. Ädette, talapkerler tarapınan «IT salasın oqıtatın qanday wnïversïtetter bar?» nemese «Qazaq tili men ädebïeti pänin tañdasam, qanday mamandıqtarğa tüse alam?» degen sıqıldı suraqtardı köp estïmiz. Portaldıñ joğarıdağıday bölimderi osınıñ bärine jawap beredi.
Munımen qosa, sayt Big Data sïyaqtı zamanawï teh­nologïyalardı qoldana otırıp, 2014 jıldan bergi UBT-ğa qatıstı barlıq statïstïka boyınşa saraptama jasawğa qawqarlı. YAğnï talapker öziniñ jïnağan balı men tañdaw pänin engizw arqılı qanday wnïversïtettiñ qanday mamandığına tüsw ıqtïmaldığı joğarı ekenin anıqtay aladı.

 

Analïz 90 payız däldikti körsetti

Portal freemium bïznes modeli boyınşa jumıs isteydi. Bul termïn ağılşınnıñ «free» («tegin») jäne «premium» («joğarı sapalı») degen sözderiniñ qosındısınan şıqqan. Talapkerler portaldıñ biraz qızmetin tegin paydalana aladı, al özderiniñ qanday mamandıqtarğa tüswge mümkindigi barın bilgisi kelip, jeke saraptama jasatam dese, bul qızmet aqılı. Är balanıñ bir jıldıñ ortaşa çegi şamamen 5 mıñ teñgeniñ aynalasında şığadı. Tört jıl boyı grant böliminde bilim alwınıñ arqasında jetkinşek qanşa qarjısın ünemdeytinin eskersek, bul – öte arzan soma. Ädette, jıl sayın talapkerlerdi «oqwğa tüsirip berwge wäde beretin» alayaqtardıñ sawdası qızadı, munıñ da bas­tı sebebi – mektep tülekterine arnalğan aq­parattı tü­gelimen bir jerge jïnaqtaytın se­nimdi derekközdiñ joq­tığınan.
Biz jıl sayın qolda bar 2014 jıldan bergi mä­­li­metti paydalanıp, bol­­jam jasaymız. Grant ti­zimi şıqqannan keyin salıstırsaq, älgi boljam­darımızdıñ şamamen 90 payızı däl keledi.

 

On künde – 1353 suranıs

Bıltırğı jäne aldıñ­ğı jılı biz osı jobamızdıñ qanşalıqtı suranısqa ïe bolatının teksermek maqsatında portaldıñ avtomattan­dırılğan nus­­­qasın ja­sadıq. Sayt äli tolıq jasalıp bitpese de, jan-­jaqtan ağılğan su­raq­tarğa kömilip qaldıq. Mısalı, 2018 jılı on künniñ işinde tülekterden 1353 ötiniş kelip tüsti. Demek, bul – qazaqstandıq mektep bitirwşileri şınımen de biz usınatın aqparatqa zärw degen söz. Bulardan bölek, älewmet­tik je­li­lerdegi resmï paraqşalarımızğa da damıl joq. Talapkerler köbinese bolaşaq mamandıqtarına tüswdiñ şektik balın, tañdağan pänderine säykes keletin mamandıqtar tizimin, belgili bir mamandıqtı oqıp bitirgen soñ qanday jerlerde jumıs istey alatının suraydı. Sonday-aq, «Jwrnalïstïkağa tüsw üşin şığarmaşılıq emtïhanda ne istewim kerek?», «Tildi te­zirek meñgerw üşin qanday keñes beresizder?», «Mamandıq tañdawda qatelesw degen üreyden qalay arılwğa boladı?» degen tärizdi arnayı mamannıñ jawabın qajet etetin suraqtar da tüsedi.

  1. Janat :

    Men bïılğı talapker edim.Qazaq t ,qazaq ädebïet pänin tañdap 68upay aldm,Serpinge ilige alamnba?

Pikir jazw

Poçtañız jarïyalanbaydı

thirteen + 7 =