قالادا كاسىبي ماماندار تاپشى

0 89

استانا قالاسى ءماسليحاتىنىڭ كەزەكتى سەسسياسىنا دايىندالۋ بارىسىندا دوڭگەلەك ۇستەل ءماجىلىسى ءوتتى. وندا حالىقتى جۇمىسپەن قامتۋ سالاسىنداعى ءىس-شارالاردىڭ تيىمدىلىگىن ارتتىرۋداعى وزەكتى ماسەلەلەر كەڭىنەن ءسوز بولدى. 

قالالىق ءماسليحاتتىڭ حاتشى­سى­ سان­سىز­باي­ ەس­ىلوۆ­تىڭ­ ءتور­­­­ا­­­عا­­­لى­­­عى­مەن ءوت­كەن ال­قا­لى جي­ىن­­عا «نۇر­ وتان» حدپ استانا قا­­لا­­­لىق في­لي­ا­لى توراعاسىنىڭ ءبى­­رىن­­شى ور­ىن­­باسارى س.احمەتوۆ، ەل­ور­­دا­لىق كاسىپوداقتار كەڭەسىنىڭ ءتور­اعا­­سى س.مىڭباەۆ جانە قالالىق ات­قا­رۋ­شى ورگانداردىڭ باسشىلا­رى،­­ ءبى­لىم­ بەرۋ مەكەمەلەرىنىڭ، قو­عام­­­دىق­ ءبىر­­لەس­­تىك­­تەر­­دىڭ وكىلدەرى، حا­­لىق قا­لاۋ­لى­لا­رى جانە جۇمىس بە­­­رۋ­­شى­لەر­ قا­تىس­تى.

الدىمەن استانا قالاسى جۇمىس­پەن­ قامتۋ جانە الەۋمەتتىك باعدار­لا­ما­لار باسقارماسىنىڭ باستىعى الما التىباەۆا ءسوز الدى. ەلباسى ءوزىنىڭ «قازاقستان-2050» ستراتەگياسى: قالىپتاسقان مەملەكەتتىڭ جاڭا ساياسي باعىتى» اتتى حالىققا ارناعان جاڭا جولداۋىندا الەۋمەتتىك ءما­سە­لە­لەر­گە مەيلىنشە كوپ كوڭىل ءبول­گە­نىن، الەمدىك تۇراقسىزدىقتىڭ باس­تى­ قا­تەرى جۇمىسسىزدىقتىڭ ءوسۋى­ ەكەنىن ەسكەرە كەلە، باسقارما باس­تى­عى ەلىمىزدە جۇزەگە اسىرىلىپ جاتقان مەملەكەتتىك تە، سالالىق تا­ – بار­لىق­ باع­دار­لا­مالار، تەك ءال­دە­بىر بولىكتەرى ەمەس، بارلىعى ناقتى جۇمىسقا ورنالاستىرۋدى قام­تا­ما­سىز ەتۋى ءتيىس ەكەنىن تىلگە تي­ەك­ ەت­تى. «ءبىز­دىڭ­ باس­تى ماقساتىمىز – الەۋ­مەت­­تىك قاۋىپسىزدىك جانە ازامات­تا­رى­مىزدىڭ باقۋاتتىعى. بۇل – قوعام­دا­­عى­ تۇ­ر­اق­تى­لىق­تىڭ­ ەڭ­ جاق­سى كە­پى­لى. وسىعان وراي ءبىز ەڭبەكپەن قام­تا­ما­سىز ەتۋ جانە ەڭبەك تولەمى سايا­سا­تىن جاڭعىرتۋعا ءتيىسپىز» دەدى ا.التىباەۆا.
ونىڭ ايتۋىنشا، جۇمىسسىز ازا­مات­­تار­­دى ەڭبەك نارىعىنا بەيىم­­­­دەۋ، قولداۋ جانە جۇمىسقا ورنا­لاس­تىرۋ مۇمكىندىكتەرىن ارتتىرۋ­ ماق­سا­تىن­دا باسقارما جۇمىس iز­دەپ حا­بار­لاسقان ازاماتتارعا جۇمىس­سىز­دىق­تان الەۋمەتتiك قورعاۋدىڭ بەل­سەندi شارالارى، ونىڭ iشiندە لاي­ىق­تى جۇمىس iزدەۋگە جاردەمدەسۋ، جۇ­مىس­سىز­داردى كاسىپتىك دايارلاۋ­ جانە قايتا دايارلاۋ، اقىلى قوعامدىق جۇ­مىس­تار­دى، سونداي-اق جۇمىسپەن قام­تۋ­ سالاسىندا الەۋمەتتىك قور­عاۋ­دىڭ قوسىمشا شارالارىن ۇي­ىم­­داستىرىپ، وقۋدان بوس ۋاقىت كەزىندە وقيتىن جاستارعا اقىلى قوعامدىق جۇمىستار، كاسىپتىك ديپ­لومنان كەيىنگى تاجىريبە – «جاس­تار­­ تاجىريبەسى» جانە حالىقتىڭ نىسا­نالى توپتارى ءۇشىن الەۋمەتتىك جۇمىس ورىندارىن ۇيىمداستىرىپ كەلەدى. «جۇمىسپەن قامتۋ-2020» باع­دارلاماسى اياسىندا اتقارىلىپ جاتقان يگى ىستەر دە جۇمىسسىزدار سانىن ازايتۋعا مۇمكىندىك بەرىپ وتىر. جالپى،­ ەلوردالىق جۇمىسسىزدار­دىڭ­ دەنى ايەلدەر مەن جاستار ەكەن.

بۇگىنگى تاڭدا جاستاردىڭ جوعارى ءبىلىم الۋعا قۇلشىنىسى ارتۋدا. ول­ار­دىڭ كوبى ەكونوميست، زاڭگەر بو­لۋ­عا نيەتتى. ماسەلەن، وتكەن جىلى­ استاناداعى جوعارى جانە ورتا كاسى­بي­ ءبىلىم بەرۋ ورىندارىن­ ءتامام­دا­­عان 9 مىڭنان استام ستۋدەنتتىڭ 55 پايى­زى ءدال وسى ماماندىقتار بوي­ىن­شا ءبىلىم الىپ شىققان. بىراق، ولاردىڭ بارلىعى بىردەي جۇمىسقا ورنالاستى دەپ ايتۋ قيىن. سەبەبى، قا­لا­دا­ كا­سىبي ماماندار تاپشى. وسى­عان­ وراي، دوڭگەلەك ۇستەل بارىسىن­دا استانا قالاسى كاسىپوداقتارى كەڭەسىنىڭ ءتور­اعا­سى سارسەنباي مىڭباەۆ تۇر­عىن­­داردى ەڭبەكپەن قامتاماسىز ەتۋ، ەڭبەك قاتىناستارىن رەتتەۋ،­ ەڭبەك­تى قورعاۋ، ەڭبەك ەتەتىن ادام­عا جاعداي جاساۋ، ۋاقىتىندا ءتيىستى جالاقىسىن بەرۋ قوعامدى تولعان­دى­رىپ جۇرگەن ماسەلەلەر ەكەنىن ەسكەرتتى. بۇل ماسەلەگە ەلباسىنىڭ دا بارىنشا ماڭىز بەرىپ وتىرعانىن جەتكىزگەن ول­ ستا­تيس­تي­­كا­لىق­ ءما­لى­مەت­تەر بو­يىن­­­شا، 230 مىڭ عانا حالقى بار­ سوناۋ تسەلينوگراد كەزىندە قالا­مىز­­دا 16 كاسىبي-تەحنيكالىق ءبىلىم بەرۋ مەكەمەسى بولسا، بۇگىندە حالىق سانىنىڭ ەسەلەپ وسكەنىنە قا­را­ماستان، استانادا ولاردىڭ سانى ەكى ەسەگە دەيىن ازايعانىن ايت­تى. ماڭىزدى ماسەلەنىڭ ءبىرى – جاس­تار­دىڭ­ جۇمىسپەن قامتىلۋى ەكەنىن تىلگە تيەك ەتكەن س.مىڭباەۆ قازىرگى كەزدە كوپ جاستار تاجىريبەنىڭ بول­ماۋ­ى­نان جۇمىسقا ورنالاسا الماي ءجۇر­گەنىن جەتكىزدى.

جۇمىسسىزدىق ماسەلەسى مۇمكىن­دى­گى شەكتەۋلى ازاماتتاردى دا الاڭ­دا­تۋدا. استانادا 17 مىڭعا جۋىق مۇگەدەك بولسا، ولاردىڭ تەك 6 پايى­زى عانا جۇمىسپەن قامتىلعان. بۇل رەتتە قازاقستان مۇگەدەكتەرى وداعى پرەزيدەنتىنىڭ كەڭەسشىسى جادىرا­سىن­ سادۋاقاسوۆتىڭ ايتۋىنشا، جىل­ ساي­ىن­ ەلىمىزدە مۇگەدەكتەر سانى ءوسىپ وتىر. مۇمكىندىگى شەك­تەۋ­لى ادامداردىڭ قوعامعا ارالا­سۋى­ ءالى دە قيىن. سوندىقتان، ولار­عا اقپاراتتىق قولداۋ مەن پسيحولو­گيا­لىق كومەك قاجەتتىگىن العا تارتقان ج.سادۋاقاسوۆ مۇگەدەكتەردى وقىتۋ مەن ولاردىڭ جۇمىسقا ورنا­لا­سۋىنا كومەك سۇرادى. وسىعان وراي، ءماسليحات حاتشىسى حالىق قا­لاۋ­­لى­لا­رىن ماسەلەنىڭ شەشىلۋىنە قول­داۋ بىلدىرۋگە شاقىردى. بۇل رەت­تە دەپۋتاتتار م.ورالوۆ، ب.سول­سا­نوۆ، م.شەكەنوۆ، ت.ورازاقوۆ قالادا جۇمىسپەن قامتۋ مەملە­كەت­تىك ساياساتىن ىسكە اسىرۋ ماق­سا­تىن­دا جۇرگىزىلىپ جاتقان جۇ­مىس­تار­عا قاراماستان، ەڭبەك نا­رى­عى تەڭگەرۋسىز قالىپ، بىلىكتى كادر­لار­دىڭ­ جەتىسپەۋشىلىگى ورىن الىپ وتىر­عان­دىعى تۋراسىنداعى ويلا­رىن­ ورتاعا سالدى. وسىعان وراي، جۇمىس بەرۋشىلەردىڭ مۇگەدەكتەردى جۇمىس­پەن قامتاماسىز ەتۋى، ەڭ­بەك­ ادامىنىڭ جوعارى ءونىمدى جۇمى­سى ءۇشىن جاعدايلار جاساۋ­ جاۋاپ­تىلىق­تا­رىن­ ارت­تىرۋ قاجەتتىگى دە ءسوز بول­دى. بۇل رەتتە ەڭبەك نارىعىندا باسەكەگە قابىلەتسىز جاستاردىڭ جاع­دايى­ ەرەكشە الاڭداۋشىلىق تۋعى­زىپ وتىر. سوندىقتان، دوڭگە­لەك­ ۇستەل قاتىسۋشىلارىنىڭ تالقى­لاۋ­لارى مەن ۇسىنىستارىن تۇيىندەي كەلە س.ەسىلوۆ جۇمىسپەن قامتۋ مەم­­لە­­كەت­تىك ساياساتىن ىسكە اسىرۋ­ ءجو­نىن­دەگى قىزمەتتەردە، سونىمەن قاتار مۇگەدەكتەردى جۇمىسپەن قامتۋدا ءناتي­جە­لەرگە جەتۋ ءۇشىن تەك قالالىق باسقارمالار مەن مەملەكەتتىك قۇرى­لىم­دار­دا عانا ەمەس، قوعامنىڭ بار­لىق مۇددەلى جاقتارى مەن جەكە سەك­تور­لار­داعى جانە ازاماتتىق قو­عام­داعى قىزمەتتەردىڭ ءتيىمدى ءۇي­لەسىم­دى­لىگى قاجەت ەكەندىگىن اتاپ ءوتتى.

گۇلبارشىن وكەشقىزى

پىكىر جازۋ

پوچتاڭىز جاريالانبايدى

five × 4 =