«Astana aqşamı»
El jüregi – elorda şejiresi

Qayırımdılıq qağïdatı

0 77

Ötken jazda Türkïyada ulttıq valyutanı qoldaw üşin dollardı örtep jatqan bir top azamat tüsken vïdeo älewmettik jelide tarap ketken bolatın. Munday tosın körinis, sanamızdı selt etkizip, türki bawırlarğa basqa közben qaratqanı ras bolatın. Osı oqïğanıñ aldında ğana bükilhalıqtıq referendwm ötip, köpşilik eldiñ prezïdenttik jüyege köşwin qoldap dawıs bergen bolatın.

Osı oqïğalardıñ tizbeginde Türkïyanıñ Qazaqstandağı Tötenşe jäne ökiletti elşisi Nev­zat Wyanık mırza eldiñ sırtqı sayasatı jäne Türkïya – Qazaqstan qarım-qatınastarı jöninde BAQ ökilderine brïfïng ötkizedi.
G-20 elderiniñ müşesi bolıp tabılatın Türkïya, jalpı ulttıq önim (JUÖ) körsetkişi men satıp alw qabiletiniñ parïteti boyınşa älemde 17-şi orınğa jayğasıp, al Ewropanıñ alpawıt ekonomïkalarınıñ işinde 5-şi orındı ïelenedi. Şet memleketterde eñ köp ökildikter qura bilgen elder arasında 5-orındı alğan türkïyalıqtardıñ qazirgi künde 240 dïplomatïyalıq ökildikteri jumıs istep tur eken.
– Türkïyanıñ osınday maqsattarmen jürgizip kele jatqan atqarwşı, jañaşıl äri joğarı qağïdalı sırtqı sayasatın biz bastamaşıl jäne gwmanïtarlıq sırtqı sayasat dep ataymız. «Bastamaşıl äri gwmanïtarlıq sırtqı sayasat» attı fïlosofïyamız elimizdiñ Prezïdenti türli sebeptermen atap körsetkenindey, «halqımızdıñ bastamaşıl rwhı men adamï jäne ar-uyat qundılıqtarına say mädenïetin körsetetin» jergilikti jäne ulttıq bir uğım, – dedi elşi mırza.
– 3,5 mïllïon sïrïyalıq bawırlarımızğa esigimizdi aşıp, olardı elimizde qonaq etw üşin büginge deyin 32 mïllïard dollar jumsadıq. Sonday-aq Türkïya, BUU-da endirilgen parametrler negizinde sayasï şeşimniñ ornatılwın qoldaydı. Astana procesiniñ arqasında waqıtşa dostıq bitiminiñ küşeytilwi, şïelenisti azaytw memorandwmınıñ ornatılwı jäne janjaldı taraptar arasında senimdi arttırw şaralarınıñ qabıldanwı sïyaqtı mäseleler boyınşa aytarlıqtay alğa jıljw bayqaladı. Bizdiñ atsalıswımızben dostıq bitim şartınıñ jarïyalanwı jäne Astana procesiniñ bastalwımen tığırıqqa tirelgen Jeneva procesi qayta jandandı.
Qazaqstan da Sïrïya mäselesine qatıstı Astana procesin uyımdastırıp, sonday-aq tïisti taraptardıñ bir ortağa jïnalwına sebepşi bola otırıp mañızdı qoldaw körsetwde. Bul qoldaw üşin erekşe rïzaşılığımızdı bildiremiz.
Aynalamızda ört bar, dağdarıstı basqarwdı aldın ala köre bilwimiz qajet. Tayaw Şığıs­tıñ bügingi hali qwantarlıq jağdayda emes. Äsirese, Sïrïya men Ïrak qawipsizdik jäne ekonomïkalıq turğıdan elimiz üşin aytarlıqtay sınaq bolıp otır. Segiz jıl boyı jalğasıp kele jatqan Sïrïya qaqtığıstarınıñ şekaralıq elderge äserin tïgizwinen eñ ülken zardap şegip otırğan memleketterdiñ işinde Türkïya aldıñğı orında tur.
Aymaqta bolıp jatqan turaqsızdıq, zorlıq-zombılıq jäne lañkestik äreketter, sonday-aq gwmanïtarlıq, sayasï jäne ekonomïkalıq sınaqtarğa qaramastan Türkïya beybitşilik, turaqtılıq jäne damw jolında naqtı qadamdarmen alğa jıljıp keledi» dedi elşi.
Elşiniñ mälimdewinşe, gwmanïtarlıq dïplomatïyanı jürgizip otırğan Türkïya ğalamnıñ älsiz tustarın joyu üşin ülken küş salıp, gwmanïtarlıq jäne damw jolındağı kömek taqırıbında bastı rölderdi öz moynına alıp keledi.
«Global Humanitarian Assistance»» (GHA) bağdarlaması dayındağan «Ğalamdıq gwmanïtarlıq kömek» attı esebine say türikterdiñ körsetken gwmanïtarlıq kömegi 2017 jılı 8,07 mïllïard AQŞ dolların quraptı. Atalğan soma arqılı gwmanïtarlıq kömek boyınşa, Türkïya älemde birinşi orınğa şıqtı. Dästür boyınşa qayırımdılıq körsetwden alda sanalatın AQŞ bolsa, 6,68 mïllïard AQŞ dolların muqtajdarğa bölw arqılı atalmış esepte ekinşi orındı ïelengen eken.
BUU Bosqındar isteri jönindegi Joğarğı komïssarı basqarmasınıñ usınğan körsetkişine säykes, Türkïya älemde eñ köp bosqın qabıldap otır­ğan el bolıp tabıladı. 600 mıñnan astam sïrïyalıq balalar Türkïya­da bilim alıp otır. Bastawış sınıp jasındağı sïrïyalıq balalardıñ 97%-ı mekteppen qamtılğan. Sonımen qatar 20 mıñnan asa sïrïyalıq jastar osı elde joğarı bilimin jalğastırwda.

 

Pikir jazw

Poçtañız jarïyalanbaydı