قايىرىمدىلىق – ىزگى قاسيەت

0 148

كەشە استانا قالاسى اكىمدىگىنىڭ عيماراتىندا ءداستۇرلى قايىرىمدىلىق اكتسياسى اياسىندا مۇگەدەك بالالاردى تاربيەلەيتiن ەلوردالىق 27 وتباسىعا اقشالاي سەرتيفيكاتتار تاپسىرىلدى. 

تۋمىسىنان مۇمكiندiگi شەكتەۋلi ءسابيدi ءوسiرiپ، تاربيەلەۋ كەز كەلگەن اتا-اناعا وڭاي ەمەس. ارينە، مەملەكەت تاراپىنان مۇنداي مۇگەدەك با­­لا­لار­عا­ جاردەماقى تولەنiپ وتىرادى. دەگەنمەن، ول بالانىڭ تو­­لىققاندى ەمدەلۋiنە جەتپەي جا­­­تاتىنى شىندىق. وسىعان وراي، قا­­لا باسشىلىعى استانا كۇنiن مە­­­رەكەلەۋدەن تۇسكەن قارجىنى قا­ي­­ىرىمدىلىققا، ناقتىراق ايت­ساق مۇمكىندىگى شەكتەۋلى ءبۇل­دiرشiندەردىڭ دەنساۋلىعىن وڭال­تۋعا جۇمساۋدى داستۇرگە اي­نال­دىرعان بولاتىن. ول بيىل ءتورتىنشى جىل قاتارىنان ۇيىمداستىرىلىپ وتىر.

قايىرىمدىلىق جاساۋ – بۇل­ كەز كەلگەن قوعامنىڭ باس­تى­ مiندەتi ەكەنىن ەسكەرە كەلە، جۇ­مىس­پەن قامتۋ جانە الەۋمەتتىك باعدارلامالار باسقارماسىنىڭ باس­تىعى الما التىباەۆا قالا اكىمدىگىنىڭ ۇيىمداستىرۋىمەن وتە­تىن قايىرىمدىلىق اكتسيالار­دان­ جينالعان قارجىلاردىڭ «ءباي­تەرەك» قايىرىمدىلىق قورىنىڭ ەسەپ-شوتىنا تۇسەتىنىن جەتكىزدى. بۇل قور 2008 جىلى اكىمدىكتىڭ باس­تاماسىمەن قۇرىلعان بولاتىن.

«استاناداعى مۇگەدەك بالالار قوعامى» قوعامدىق بىرلەستىگىنىڭ ءتورايىمى قامقا جاسانوۆانىڭ ايتۋىنشا، بۇگىنگى كۇنى قالامىزدا 18 جاسقا دەيىنگى 1400-دەن استام مۇگەدەك بالا تىركەلسە، ولاردىڭ 600-ءى قور ەسەبىندە تۇر. وسى با­لا­لار­دىڭ­ 65-ءى كومەككە وتە مۇق­تاج­دار­ قاتارىندا.
بيىل قورعا 15 ميلليون 500 مىڭ تەڭگە جينالدى. اتالعان قاراجات قىم­بات ەمدەلۋدى قاجەت ەتەتىن ءمۇ­گەدەك بالالاردى تاربيەلەۋشى وت­باسىلارعا بەرىلدى. ەندى ولار ەلى­­مىزدىڭ ىرگەلى كلينيكالارىندا عا­نا ەمەس، سونداي-اق قىتاي، رەسەي­ سە­­كىلدى باسقا دا مەملەكەتتەردە مە­دي­تسينالىق كومەك الا الادى.

كەز كەلگەن جەردەن ەم الۋعا ءارى جەدەل وپەراتسياعا مۇقتاج مۇگەدەك بالالارعا وسىنداي مۇمكىندىك تۋ­­عىز­عاندارى ءۇشىن مۇمكىندىگى شەك­­تەۋلى بالا­لار­دى تاربيەلەپ وتىر­عان اتا-انالار شارانى ۇي­ىم­­داس­تى­رۋ­شىلارعا شەكسىز ري­زا­شى­لىقتارىن ءبىلدىردى. ال، ۇي­ىم­داس­­تىرۋشىلار بولسا وسىناۋ يگى ءىس­تىڭ الداعى ۋا­قىتتا دا جالعاسا بە­رەتىنىن ايتتى.

گۇلبارشىن 
وكەشقىزى

پىكىر جازۋ

پوچتاڭىز جاريالانبايدى

17 + 20 =