Қадағалау шаралары тұрақты

0 43

«Елорда кәсіпорындарында санитарлық нормалардың сақталуын қадағалау рейдтері тұрақты жүргізілуде» деп хабарлады қала әкімдігінің сайты. Тәртіп бұзушылық қайталанған жағдайда кәсіп иелеріне 500 АЕК-ге дейін айыппұл салынады. Полицейлер, санитарлық дәрігерлер мен әкімдік өкілдері дүкендер мен сауда орталықтарына тұрақты түрде тексеріс жүргізеді.Бұл туралы Нұр-Сұлтан қалалық сауда және қызмет көрсету саласы бөлімінің басшысы Руслан Ыдырысов мәлімдеді. Оның айтуынша, басты ескертулер қызметкерлер мен клиенттердің маска кимей жүруіне және санитайзерлердің жеткіліксіз болуына байланысты жасалады. «Қателіктер мен санитарлық шара талаптарын орындай отырып, кәсіпкер өз жұмысын жалғастыра алады. Алғашында нұсқау беріліп, ескерту жазбаша түрде жасалады. Тексеріс барысында СЭС және полиция департаментінің қызметкерлерінің жұмыстары айқын көрінеді. Егер ескертулер жойылмаса, кәсіп иелері айыппұл төлеуге міндетті. Шағын бизнес – 100 АЕК, орта бизнес – 200 АЕК, ірі бизнес – 300 АЕК-тен 500 АЕК-ге дейінгі сомада айыппұл төленеді» деді Р.Ыдырысов.
21-26 мамыр аралығында 150-ден астам кәсіпорынға мониторинг жасалды. Санитарлық нормалардың сақталмауына байланысты 12 нысан: дәмханалар, мейрамханалар, барлар, азық-түлік дүкендері, спа-салондар және т.б. жабылды. Ал «Бруно», «Roofork» секілді мейрамханаларға ережелер орындалмағаны үшін айыппұл салынды.

Пікір жазу

Почтаңыз жарияланбайды

four × 4 =