Полициядағы кезекші прокурор

Қылмыстық сот ісін жүргізуде азаматтардың кон­с­­ти­ту­ция­лық құқықтары сақталуын қадағалау – про­ку­рор­лық қызметтің басым бағыттарының бірі.

Осы мақсатта Қазақстан Республикасы Бас Про­ку­ро­рының 2012 жылғы 30 қаңтардағы бұйрығымен Полициядағы кезекші прокурор туралы ереже бе­кі­тіл­ген, бұл ереже ішкі мәселелерді анықтауға және заң­ бұзушылықтың алдын алуға мүмкіндік береді.

Аталған ережеде адам мен азаматтың конс­ти­­ту­ция­лық құқықтарын қорғауға баса мән бере оты­рып,­­ кезекші прокурордың негізгі құқықтары мен­ мін­дет­те­рі бекітілген.

Ағымдағы жылы прокурорлық тексерулер бары­сын­­да конституциялық құқықтарға қатысты бір­­ша­­ма заң бұзушылықтар анықталды. Азаматты­ қыл­мыстық қудалау органына әкелгеннен бас­­тап­ қылмыстық іс бойынша нақты шешім қа­был­да­ған­ға дейінгі уа­қыт­та­ғы­ лауазымды тұлғаның ба­қы­лау­сыз­ды­ғы салдарынан ол­ар­дың тыйым салынған ша­ра­лар­ды­­ қолдануына жол­ берілген.

Тек осындай тексерістердің нәтижесінде жыл ба­сы­­нан бері қылмыстық қудалау органының қызметтік және өзге де үй-жайларында заңсыз ұсталынған 74 азаматтың құқығы қалпына келтірілді. Қылмыстық қудалау органының 29 лауазымды тұлғасы тәртіптік жауапкершілікке тартылды.

Ағымдағы жылы да қала прокуратурасы аза­мат­­тар­дың­ конституциялық құқықтарын сақтауға қатысты белсенді жұмыстарын жалғастыруда.
Айта кетсек, қала прокуратурасының қадағалау қызметі барысында Н. есімді азаматты бекітілген мерзімінен астам уақыт заңсыз ұстау фактісі ан­ық­тал­ды. 2013 жылдың 15 қаңтары күні сағат 12:40-та Алматы аудандық ІІБ кезекші бөліміне полиция қыз­мет­керлері Н. есімді азаматты жеткізіп, ІІБ қыз­мет­тік ғимаратында 4 сағаттан астам ұстаған, бұл он­ың­ Қазақстан Республикасы азаматы ретіндегі кон­с­ти­ту­циялық құқығын бұзу болып табылады.

Қорытындылай келе, елорда қонақтары мен тұр­ғын­да­рына прокуратура органдары Астана­ қа­ла­сын­дағы аудандық ІІБ үш ғимаратында кезекшілікті жүзеге асыратынын ескерткім келеді.

Енді әрбір азамат полиция қызметкерлерінің конституциялық құқықтарды бұзу фактілері туралы кезекші прокурорға немесе 45-75-34 сенім телефонына жүгіне алады.

Арман КӨПЕНОВ,
Астана қаласы прокуратурасының
2-басқарма прокуроры