پوليتسەيلەر قورعانىش كيىمىن كيدى

0 20

توتەنشە جاعداي رەجيمى ەنگىزىلگەن العاشقى كۇننەن باستاپ پوليتسەيلەر مەن اسكەري قىزمەتشىلەر بلوكپوستاردا جۇمىس ىستەپ، قوعامدىق ءتارتىپتى كۇزەتەدى، كارانتيندىك ايماقتاردا جۇقتىرۋ وشاقتارىن وقشاۋلاۋ بويىنشا ارنايى ءىس-شارالار جۇرگىزەدى.«قاۋىپتىلىگى جوعارى توپتارمەن» جۇمىس ىستەي وتىرىپ، مەديتسينا قىزمەتكەرلەرى سياقتى، ولار دا وزدەرىنە جۇقتىرۋ قاۋپىمەن بەتپە-بەت كەلەدى. وسىعان بايلانىستى، ءىىم باسشىسىنىڭ تاپسىرماسى بو­يىنشا قىلمىستىق-اتقارۋ مەكەمەلەرىنىڭ بارلىق تىگىن تسەحتارىندا ىشكى ىستەر ورگاندارىنىڭ قىزمەتكەرلەرىنە مەديتسينالىق ماسكالار مەن ارنايى كوستيۋمدەر تىگۋ جولعا قويىلدى. قورعانىش كومبينەزون كوپ رەت قولدانىلاتىن، سۋ وتكىزبەيتىن قوسپالى ماتادان جاسالعان. 160 قورعانىس كومبينەزونىنان تۇراتىن ءبىرىنشى پارتيانى بلوكبەكەتتە قىزمەت اتقاراتىن ەلوردالىق پوليتسەيلەر الدى. جاقىن ارادا قورعانىس كومبينەزوندارىمەن ءىىم-ءنىڭ بارلىق ايماقتىق بولىمشەلەرى قامتاماسىز ەتىلەدى. ءبىرىنشى كەزەكتە ولاردى كارانتيندىك ءىس-شارالارعا تارتىلعان قىزمەتكەرلەر الادى.
– كۇن سايىن 25 مىڭعا جۋىق پوليتسەي، قۇتقارۋشىلار، ۇلتتىق ۇلاننىڭ اسكەري قىزمەتشىلەرى جاساقپەن كۇزەتكە شىعادى. وسى قيىن جاعدايلاردا پەنيتەنتسيارلىق جۇيە ءوزىنىڭ تيىمدىلىگىن كورسەتتى. مەنىڭ تاپسىرمام بويىنشا ازىرلەنگەن قىلمىستىق-اتقارۋ جۇيەسى كوميتەتى «ەڭبەك» رمك-نىڭ قاراجاتى توتەنشە جاعداي كەزىندە ءوز قىزمەتتىك بورىشىن تاۋلىك بويى ورىندايتىن قىزمەتكەرلەرىمىزدىڭ دەنساۋلىعىن قورعاۋدى قامتاماسىز ەتۋگە مۇمكىندىك بەرەدى، – دەدى ىشكى ىستەر ءمينيسترى ەرلان تۇرعىمباەۆ.
سونداي-اق قاجك باسشىلىعىنىڭ «دەزينفەكتسيالىق توننەل» دەپ اتالاتىن قورعانىس قۇرالى ىشكى ىستەر مينيسترلىگىنىڭ عيماراتىنا كىرەبەرىستە ورناتىلعان. توننەل قۇرىلىمى دەزينفەكتسيالىق قاسيەتى بار ارنايى فيزەرىتىندىنى بۇركۋ قۇرالىمەن جابدىقتالعان. قر ىشكى ىستەر مينيسترلىگىنىڭ ءباسپاسوز قىزمەتى مالىمەتىنە قاراعاندا، مۇنداي پۋنكتتەر قاج مەكەمەلەرىندە كوروناۆيرۋستىق ينفەكتسيانىڭ تارالۋىنىڭ الدىن الۋ ماقساتىندا بارلىق كولونيالاردا ورناتىلادى.

پىكىر جازۋ

پوچتاڭىز جاريالانبايدى

nine − one =