Полицей «көзі» бақылап тұр

0 83

Қоғам болған соң, қылмыс та болмай тұрмайды. Қылмыстың үлкені де, кішісі де – бір, қай-қайсысы да зиянсыз емес. Тек алдын алу керек. Бұл – жер бетіндегі күллі мемлекеттің ұстанымы, мұраты. Адамның өмірін қиған да – қылмыс, қоқысты кез келген жерге лақтыра салған да – қылмыс. Осының барлығын бақылау – қиынның қиыны еді. Технологиясы­ дамыған заман мұның да амалын тапты.

«Сақшы» камералар сақадай сай

Астананы қылмыс, бұзақылық жайласа, арымызға сын. Ке­лең­­сіз­дік­тер­дің алдын алу­да­ бас­ қа­ла­да игі шаруалардың дені ат­қа­ры­лу­да. Қазіргі кезде елорда көшелерінде 649­ бейнебақылау камерасы орнатылған. Кө­рін­бей­тін­ сақшы «көздерінің» көмегімен өткен жылы 214 қылмыс ашылыпты. Астана қаласы Ішкі істер департаменті баспасөз қызметінің жетекшісі София Қылышбекованың сөзіне сенсек, былтыр 39 мыңнан аса әкімшілік құ­қық­ бұзушылық пен 14 300-ден астам жолда жүру ережесін бұзу дерегі бейнебақылау ка­ме­ралары арқылы ашылған. Полицей «көз­де­рі»­ ағымдағы жыл басынан бері де қы­ра­ғы­лы­ғын жоғалтпапты. Қаңтар айынан бері 28 қылмыс айғақталып, 3550 мыңнан астам әкімшілік құқық бұзушылық пен 1900-ден аса жол ере­же­сін сақ­та­маушылық тіркелген.

«Қауіпсіз аула» қапы қалдырмайды

Астана тыныштығының бір кепілі – «Қау­іп­сіз­ аула» жобасы. Бұл­ жоба 2008 жылдан­ бас­тап­ ен­гізіліп, игілігін паш етуде. Бүгін елор­да­да­ғы 46 тұрғын үй кешеніндегі 97 кіреберісті 166­ кон­сьерж­ күзетеді. Мамандардың тал­дау­ нә­ти­же­сі­не­ сүйенсек, соңғы кезде «Қау­іп­сіз­ аула» аумағында құқық бұзушылық тір­кел­ме­ген.

«Бүгінде Астанада «қауіпсіз» санатына­ кі­ре­тін­ 15 аула бар. Со­лар­дың­ бірі – Қабанбай ба­тыр­ даңғылы, 6/3, 6/6 мекенжайында ор­­на­­лас­­қан­ «Кас­кад»­ тұр­ғын­ үй­ ке­ше­ні. Он­да­ құ­қық­ бұ­зу­шы­лықтың алдын алу­ үшін ғана емес, оны мүлде болдырмау жолдарын қа­рас­ты­ратын бі­ре­гей қауіпсіздік жүйесі жұмыс іс­тейді» дейді София Анарбекқызы.

Департамент өкілдерінің айтуынша, да­мы­ған­ елдердің озық тә­жі­ри­бе­сі­нен үйреніп, тұрғын үйлердің аулаларындағы қауіпсіздік мә­се­лесін шешуді құзырлы орындар басты мін­де­ті­ санайды. «Қауіпсіз аула» жобасының ар­қа­сын­да жүздеген бұзақылық әрекетке жол­­ берілмеді. Он­ мыңдаған бейнематери­ал құ­қық­ қорғау органдарына беріліп, ав­то­кө­лік иелеріне сақтандыру компаниялары­ өтем­ақы­ларын төледі. Жүз­деген адам алғашқы ме­­ди­­­ци­налық көмекті дер кезінде алып, өм­ір­­­ле­рін сақтап қалды». Бұл – осы жобаның ба­сы-қасында жүрген по­ли­цей­лер­дің сөзі.

Тұтылған тәжік бес тәулікке қамалды

Нақ­ты­ де­рек­тер­ге­ жү­гін­сек,­ бұр­на­ғы ­кү­ні­ ға­на­ тәртіп сақшылары бейнебақылау ка­ме­ра­сы­ның­ кө­ме­гі­мен түс мезгілінде тұр­ғын­ үй­дің­ ау­ла­сын­да­ дәрет сындырған ер­ адам­ды­­ ұстады. Көші-қон полициясы бас­қар­ма­­сы­­ның­ қызметкерлері оның 1973 жылы ту­ған­ Тәжікстан азаматы екенін анықтады. Ау­да­на­ра­лық­ әкімшілік сотының шешімімен ол Әк­ім­ші­лік­ құқық бұзушылық кодексінің 330-ба­бы­ бой­ын­ша­ бес тәулікке қамаққа алынды.

Орайы келгенде айта кеткен жөн, 8 ақпан мен­ 11 ақпан аралығында-ақ әкімшілік по­ли­ция­­ қызметкерлері айтылған бап бойынша 49 іс­тің­ со­ңы­на­ түсті. Нәтижесінде төрт адам бір тәулікке әкімшілік жазаға тартылып, 44 дерек бойынша тиісті шаралар қолданылған.

Көлікті қолды қылған қос ұры

Ақпанның алтыншы күні астаналық азамат «Той­о­та­-камри» маркалы автокөлігінің қол­ды­ болғанын айтып, «102»-ге шағымданады. Сауда үйлерінің бірінің автотұрағына қой­ыл­­ған­ көлік бір түнде ұрланған. Полиция­ қыз­­мет­­кер­ле­рі­ та­ғы­ да бейнебақылау ка­ме­ра­ла­ры­ның­ кө­ме­гі­не жүгінді. Ақыры ан­ық­тал­ды,­ ұрылар 1989 және 1991 жылдары ту­ған­ ел­ор­да­лық­ жет­кін­шектер болып шықты. Осы­ дерек 175-бап бойынша қылмыстық іс қоз­ға­лып,­ ұсталғандар қамауға алынды.

Асхат РАЙҚҰЛ

Пікір жазу

Почтаңыз жарияланбайды

thirteen − 7 =