Польшада Абай ардақталды

0 12

Польшада Абай атамыздың 175 жылдық мерейтойына арналған пошта маркасы шығарылды.

Пошта маркасын шығару жобасын ұлы ақынның мерей­тойын мерекелеу аясында Қазақстанның Варшавадағы Елшілігінің бастамасымен «Почта Польска» АҚ жүзеге асырды.
Марканың таныстырылымы «Почта Польска» компаниясының орталық ғимаратында өтті. Қазақстанның Польшадағы елшісі Әлім Қирабаев қазіргі ұрпақты адалдық пен әділеттілік қағидаларын басшылыққа алуға, сондай-ақ өз халқына қызмет етуге және білім беруге ұмтылуға шақырып, шабыттандыратын ұлы жазушының философиялық идеяларының және өлмес әдеби мұрасының өзектілігін атап өтті.
«Почта Польска» АҚ төрағасы Томаш Здзикота екі ел арасындағы филателия саласындағы жемісті және ұзақ мерзімді ынтымақтастығына тоқталып, ұлы қазақ ағартушысының бейнесі салынған пошталық маркасы филателистер арасында үлкен қызығушылық тудырып, бірлес­кен сәтті жобалардың дәлелі болатынына сенім білдірді.
Іс-шара барысында Польша Республикасы Сыртқы істер министрлігінің департамент директоры Я.Хофмокл Абайдың шығармашылық мұрасының маңыздылығы мен ауқымын айта отырып, 2001 жылы Қазақстанға жасаған сапары кезінде Рим Папасы Иоанн Павел II-ші дәйексөз жасаған Абайдың «Қара сөздерімен» танысуға шақырды.
Ақынның 175 жылдығын мерекелеу аясында өткізілген іс-шара поляк аудиториясын Қазақстан халқының мәдени мұрасымен және рухани байлығымен таныстыруға жақсы мүмкіндік берді.
Кездесу соңында Елші поляк тарапына поляк тіліндегі Абайдың «Қара сөздер» кітабының бірнеше данасын табыстады.

Пікір жазу

Почтаңыз жарияланбайды

three × 1 =