Patrïottıq tärbïe parızı

0 117

Jas urpaqqa önege körsetw, patrïottıq tärbïe berw qoğam aldındağı asa mañızdı mindetterdiñ biri ekeni anıq.
Osı orayda, Awğanstan soğısın bastan keşken jawınger-ïnternacïonalïster uyımdarı belsendilik tanıtıp jürgeni belgili. Jaqında ötken Awğanstan soğısı ardagerleri uyımdarınıñ «Qazaqstan ardagerleri» qawımdastığınıñ kezekten tıs s'ezi barısında atalmış uyımnıñ maqsat-müddesin bilip qayttıq.

Elimizdiñ barlıq aymaqtarındağı Awğanstan soğısı ardagerleri uyımdarınıñ jumısın üylestirwşi qawımdastıqtı basqarıp kelgen Halıq qaharmanı, Mäjilis depwtatı Baqıtjan Ertaev kezekti s'ezde öziniñ Qazaqstan Respwblïkası Ardagerler uyımdarınıñ Üylestirw keñesine törağa balıp saylanwına baylanıstı qawımdastıq basşısı mindetinen bosatılatının mälim etti. Osığan baylanıstı qawımdastıqtıñ esep berwi tıñdalıp, jaña törağanı saylaw ötti. Qawımdastıqqa müşe oblıs uyımdarınan kelgen delegattar bul mindetti atqarwdı Awğanstan soğısınıñ ardageri, Parlament Mäjilisiniñ depwtatı Baqıtbek Smağulğa senip tapsırdı.

 

Qawımdastıqtıñ bolaşaqtağı bağıt-bağdarın ayqındağan jïın barısında Awğanstan soğısında qaza bolğan jawıngerlerdiñ analarına qurmet körsetilip, materïaldıq kömek berildi. S'ezd jumısına qatısqan delegattar men qawımdastıqtıñ jañadan saylanğan basqarma müşeleri jas urpaqqa patrïottıq tärbïe berw jönindegi oyların ortağa salıp, osı bağıtta jumıs jürgizwdiñ josparın ayqındadı.

«Awğanstan soğısı ardagerleri uyımdarı qawımdastığınıñ eñ negizgi maqsattarı, bul – elimizde bolatın sayasï-älewmettik şaralarğa belsendilikpen qatısw, Otan aldındağı antına adaldıq tanıtıp, soğısta qaza bolğan qarwlas dostardıñ ata-analarına qoldaw körsetw, habar-oşarsız ketken qazaqstandıq jawıngerlerdiñ tağdırın anıqtaw boladı. Sonımen qatar, bizdiñ qawımdastıq üşin jastardı otandıq patrïotïzmge tärbïelew – eñ bastı mindetimiz bolıp qala beredi. Bul bizdiñ parızımız»,– dedi jïın qorıtındısında qawımdastıq basşısı, jawınger-jazwşı, halıq qalawlısı Baqıtbek Smağul.

Ğalım QOJABEKOV

Pikir jazw

Poçtañız jarïyalanbaydı

14 + sixteen =