Özekti jayttar ortağa salındı

0 82

Nur-Sultan qalası mäslïhatında Esil awdanınıñ äkimi Berik Jäkenov pen Sarıarqa awdanınıñ basşısı Eset Baykenniñ awdandarda burın atqarılğan, alda jüzege asırılatın jumıstar twralı esepteri tıñdaldı. Olardıñ bayandamalarınan keyin mäslïhat depwtattarı qalanıñ özekti mäseleleri boyınşa suraqtardı qoydı.

Depwtattar qalanı abattandırw, ïnjenerlik ïnfraqurılımdı damıtw, kögaldandırw, t. b. köptegen mañızdı mäselelerdi köterdi.
Depwtat Erlan Däkenovtıñ köşelerdi jarıqtandırw jäne Ürker» turğın alabındağı awla klwbı twralı surağına Esil awdanınıñ äkimi Berik Jäkenov jawap berdi.
«Ä.Bökeyhan köşesi Sığanaq köşesinen bastalıp, Ulı Dala dañğılına deyin baratın ülken köşe ekenin ayta kele, munıñ Kerey-Jänibek handar köşesine deyingi böligine asfal't töselgenin, joldıñ qalğan böligin rettew josparğa engizildi, jarıqtandırw da şeşilip jatır, al «Ürkerdegi» awla klwbı Jastar sayasatı mäseleleri basqarmasınıñ balansına beriledi. Bul jumıs ayaqtalğan soñ nısan äri qaray damıtıladı» dedi awdan basşısı.
Esil awdanında aldağı eki jılda 15 orta mektep salınıp, Oqwşılar sarayı da boy köteredi.
Sarıarqa awdanına kezek kelgende, mäslïhat depwtatı Bawırjan Janqonaqov «Köktal-1» jäne «Köktal-2» turğın alaptarın gazdandırw barısın suradı.
– «Köktal-2» turğın alabındağı 41 köşege gaz tartıldı. YAğnï eldi mekenge gaz tartw jumıstarı 100 payız orındaldı. Turğındarğa endi gazğa qosılwğa boladı. Osı künge deyin 61 üy «kögildir otındı» qosıp aldı. «Köktal-1» turğın alabındağı 91 köşeniñ 88-i gazben qamtılıp, tïisti jumıstardıñ 98 payızı jasaldı. Osındağı 156 üy gazdıñ ïgiligin körip otır. Munda sayajaylarmen mäsele twıp otır. Sebebi qoldanıstağı zañnama boyınşa olardı gazğa qoswğa tıyım salınğan. «Agroqalaşıqta» 112 üydiñ janına gaz qubırı äkelindi. Jalpı awdandı gazdandırwdı bïıl tolığımen ayaqtawdı josparlap otırmız, – dedi awdan äkimi Eset Bayken.
Mäslïhat depwtatı Aytjan Äbdirov Jeñis dañğılı men Ä.Moldağulova köşesiniñ qïılısına jılı ayaldama ornatw kerektigin ayttı. Awdan äkimi öz tarapınan tïisti basqarmamen bul mäseleni qarastıratındarın aytıp ötti.

Pikir jazw

Poçtañız jarïyalanbaydı

12 − 11 =