ӨЗАРА ЫНТЫМАҚТАСТЫҚ МЕМОРАНДУМЫ

0 83

Елордадағы №2 ауруханада Астана қаласының Денсаулық сақтау басқармасы «Халықаралық бағдарламалар орталығы» АҚ-мен бірге жұмысқа орналастыру және халықаралық «Болашақ» стипендиясының иегерлерін еңбек тәжірибесінен өткізу саласында өзара ынтымақтастық туралы меморандумға қол қойды.

Шара барысында қалалық Денсаулық сақтау басқармасының бастығы Айгүл Сегізбаева бұл іс-шараның маңызы мен мәні зор екенін тілге тиек етті. Өйткені, бұл Басқармадағы кадр мұқтаждығына байланысты білікті мамандарды тартудың бір жолы болып табылады екен.

– Біздің алдымызда медициналық қызметтің сапасын көтеру, медицина тәжірибесі мен ғылымы саласына инновацияны енгізу міндеті тұр. Осы міндеттерді жүзеге асыруға бізге «Халықаралық бағдарламалар орталығы» нақты көмектесе алады, – деді А.Сегізбаева.

Денсаулық сақтау басқармасы бас­­ты­­ғының айтуынша, соңғы жеті жыл көлемінде Астана қаласында 11 денсаулық нысаны мен 5 емхана, 5 күндізгі аурухана мен қан орталығы пайдалануға берілген. Олар­дың бар­­лы­­ғына да білікті маман­­ кадр­лар қа­­жет көрінеді. Бас­­қар­­­ма бұл мәселені шешудің барлық мүм­­кін­­дік­­те­­рін қарастыруда. Тек 2012 жыл­­дың өзін­­де ғана 2 328 маман жұмысқа алы­­нып, олардың 49-ы алыс, жақын ше­­­­телдерге білімдерін жетілдіріп қайт­­­қан. Сондай-ақ, 4 105 медицина қыз­­меткеріне 10 шеберлік дәрісі ұйым­дас­­тырылған.

Ал, «Халықаралық бағдарламалар орталығы» АҚ президенті Саясат­ Нұрбек 2012­ жылы арнайы «Денсаулық сақ­­­­тау­­ са­­ласындағы менеджмент» бағ­­дар­­ла­­масы мен сирек мамандықтағы ме­­дицина қызметкерлері үшін «KD GlobalTrainingCenter» компаниясымен, Аджу Университеті жанындағы клиникамен, «Сэм Анянг» госпиталі жә­­не «Канвон» ауруханасымен бірге бағдарлама әзірленгенін жеткізді. Осылайша, олар бұған дейін мектеп бітірушілерге арқа сүйеген болсақ, енді тәжірибеден өтуші медицина қыз­­меткерлерінің кіші мамандықтар бо­­йынша біліктілігін көтерумен айна­­лы­­сатын болады. Осы бағытта құрылған мақсатты топ­тар­ шетелдік тәжірибеге сүйене отырып, денсаулық сақтау мекемесінің бас­­қару сапасын арттырумен бірге жо­­ғары білікті мамандар дайындауды қолға алады.

Гүлбаршын ӨКЕШҚЫЗЫ

 

Пікір жазу

Почтаңыз жарияланбайды

3 × three =