«Астана ақшамы»
Ел жүрегі – елорда шежіресі

ӨЗАРА ҚАРЫМ-ҚАТЫНАС ЕКІ ЖАҚТЫ ПАЙДАЛЫ БОЛМАҚ

0 214

1111

Қала әкімдігінде Астана қаласы Ішкі саясат басқармасының басшысы Бақыт Есімова елордадағы бұқаралық ақпарат құралдарының басшыларымен кездесті.

Кездесуге «Егемен Қазақстан», «Казахстанская правда», «Аргументы и факты», «Время», «Экспресс К», «Астана ақшамы», «Вечерняя Астана» газеттері мен «Қазақстан», «Хабар», «Астана», «СТВ», тағы басқа да телеарналар мен мерзімдік басылымдардың өкілдері қатысты.

Осы жауапты жұмыстың тізгінін қолына алғанына тек үш аптаның жүзі ғана болған  Ішкі саясат бас­қар­масының басшысы не­гізгі мақсат жүздесіп, танысу екенін айта келіп, мем­лекеттік органдар мен журна­листердің өзара қарым-қатынасы екі жақты пайдалы болу керектігіне тоқталды.

«Біздің алдымызда Мемлекет басшысының саясатынан туындайтын, қала әкімі қойып отырған ауқымды да күрделі міндеттер тұр. Осыны біз бірігіп атқарсақ, осы бағатта сіздер бізге кө­мекші болсаңыздар»  деген тілек айтылды.

 Елорда әкімдігі мен оған қарасты құрылымдардың жұмысы қашан да көп­шіліктің көз алдында. Әлеуметтік салада, мәде­ниет пен құрылыста немесе инновацияда болсын барлық идеялар әуелі әкімдіктің қабырғасында дүниеге келеді. Әрине, оны журналистердің де алғашқы болып білгісі келетіні заңдылық. Міне, осы тұр­ғыдан алып қарағанда кейде түрлі лауазым иелері мен БАҚ өкілдері арасында кейбір түсініспеушіліктер болатынын да жоққа шы­ғаруға болмайды.

Кездесуге келген журналистер мемлекеттік орган­дармен жұмыстың жан­дана түсіп, ақпарат алу мүмкін­діктері оңайласа деген тілектер айтып, өз ұсыныс-пікірлерін ортаға салды.

Бас қосу соңында ішкі саясат басқармасы мем­лекеттік этиканы сақтай отырып, БАҚ өкілдерінің сұрау хаттарына мүм­кіндігіне қарай жауап беруге келісті. Сондай-ақ, журналистердің де арзан дақпырт қуып, желікпеге салынбай, қайта салмақты сөз өрбітулері сұралды.

Пікір жазу

Почтаңыз жарияланбайды