Otandastardıñ oqw zalı aşıldı

0 32

QR Ulttıq akademïyalıq kitaphanasınıñ janınan «Otandastar oqw zalı» aşıldı. Ïgilikti bastamanıñ aşılw saltanatında jaqında jarıq körgen «Qazaq älemi» kitaptarınıñ tusawı kesildi.«Otandastar qorı» men Dünïejüzi qazaqtarı qawımdas­tığınıñ qoldawımen aşılğan bul oqw zalına şeteldegi qazaq qalamgerleriniñ şığarmaları qoyılğan. Jaqında elimizdegi jäne şetelderdegi oqırmandardıñ elektrondı kitap oqwına mümkindik jasaw maqsatında «Otandastar cïfrlı kitaphanası» qurılğan bolatın. Qor qız­metkerleri bul kitaphananıñ qorı qazir 2000 kitaptan asqanın atap ötti.
Qonaqtarğa «Otandastar qorı» kommercïyalıq emes akcïonerlik qoğamınıñ qurılğannan beri istegen jumıstarın qısqaşa tanıstırğan «Otandastar qorı» mädenï-gwmanïtarlıq jobalar departamentiniñ menedjeri Serik Äbdwälï şeteldegi qandastarğa qazaq tilin üyretw maqsatında «Zerdeli» aqıl-oydı damıtw ortalığımen birlesip, onlayn jüyede sabaq ötetin ïnternet sınıptarı aşılğanın jetkizdi. «Ğalamtor arqılı oqıtılatın bul sınıptarda qazir älemniñ AQŞ, Ïran, Türkïya sındı 12 memleketiniñ 23 qalasınan 400-den astam qandasımız sabaq alwda. Är eldiñ waqıt beldewindegi ayırmaşılığına qaray bir täwlikte 4 märte sabaq jürgiziledi» dedi ol.
Şara ayasında Nur-Sultan qalası Swretşiler odağı qoğamdıq birlestiginiñ qoldawımen qandas qılqalam şeberleriniñ körkemswret körmesi de ötti. Oğan 6 swretşiniñ 30-ğa jwıq twındısı qoyıldı.

Pikir jazw

Poçtañız jarïyalanbaydı

7 − 1 =