وتانداستاردىڭ وقۋ زالى اشىلدى

0 32

قر ۇلتتىق اكادەميالىق كىتاپحاناسىنىڭ جانىنان «وتانداستار وقۋ زالى» اشىلدى. يگىلىكتى باستامانىڭ اشىلۋ سالتاناتىندا جاقىندا جارىق كورگەن «قازاق الەمى» كىتاپتارىنىڭ تۇساۋى كەسىلدى.«وتانداستار قورى» مەن دۇنيەجۇزى قازاقتارى قاۋىمداس­تىعىنىڭ قولداۋىمەن اشىلعان بۇل وقۋ زالىنا شەتەلدەگى قازاق قالامگەرلەرىنىڭ شىعارمالارى قويىلعان. جاقىندا ەلىمىزدەگى جانە شەتەلدەردەگى وقىرمانداردىڭ ەلەكتروندى كىتاپ وقۋىنا مۇمكىندىك جاساۋ ماقساتىندا «وتانداستار تسيفرلى كىتاپحاناسى» قۇرىلعان بولاتىن. قور قىز­مەتكەرلەرى بۇل كىتاپحانانىڭ قورى قازىر 2000 كىتاپتان اسقانىن اتاپ ءوتتى.
قوناقتارعا «وتانداستار قورى» كوممەرتسيالىق ەمەس اكتسيونەرلىك قوعامىنىڭ قۇرىلعاننان بەرى ىستەگەن جۇمىستارىن قىسقاشا تانىستىرعان «وتانداستار قورى» مادەني-گۋمانيتارلىق جوبالار دەپارتامەنتىنىڭ مەنەدجەرى سەرىك ءابدۋالي شەتەلدەگى قانداستارعا قازاق ءتىلىن ۇيرەتۋ ماقساتىندا «زەردەلى» اقىل-ويدى دامىتۋ ورتالىعىمەن بىرلەسىپ، ونلاين جۇيەدە ساباق وتەتىن ينتەرنەت سىنىپتارى اشىلعانىن جەتكىزدى. «عالامتور ارقىلى وقىتىلاتىن بۇل سىنىپتاردا قازىر الەمنىڭ اقش، يران، تۇركيا سىندى 12 مەملەكەتىنىڭ 23 قالاسىنان 400-دەن استام قانداسىمىز ساباق الۋدا. ءار ەلدىڭ ۋاقىت بەلدەۋىندەگى ايىرماشىلىعىنا قاراي ءبىر تاۋلىكتە 4 مارتە ساباق جۇرگىزىلەدى» دەدى ول.
شارا اياسىندا نۇر-سۇلتان قالاسى سۋرەتشىلەر وداعى قوعامدىق بىرلەستىگىنىڭ قولداۋىمەن قانداس قىلقالام شەبەرلەرىنىڭ كوركەمسۋرەت كورمەسى دە ءوتتى. وعان 6 سۋرەتشىنىڭ 30-عا جۋىق تۋىندىسى قويىلدى.

پىكىر جازۋ

پوچتاڭىز جاريالانبايدى

one × 5 =