Орыс көлігі опық жегізіп…

0 687

Редакцияға Азамат Жар­қынбеков хабар­ласты.

«Осыдан бірнеше ай бұрын Ресей машиналарын сататын Астанадағы «Бипек-Авто» салонынан су жаңа «Лада» сатып алдым. Қанша дегенмен, жаңа көлік қой, кемі үш жыл үздіксіз жүремін-ау деген қуанышым көпке созылмады. Жүргеніне екі апта болмай жатып, әлгі темір «тұлпардың» моторынан ши шықты. Сыртқы қабы шытынап кетіпті. Үш жылға берілген кепілдік талонын алып, көлікті жөндейтін орталықтың табалдырығын тоз­дырғаныма біраз болды. Мұндағылар мотордың блогын Ресейден алдыртады екен.

«Әне келеді, міне келеді» деп жүргеніме үш айдан асты. «Осы кепілдік талоны деген – тауардың сапалы екенін білдіретін құжат емес пе? Әлде жай көзбояушылық па?» дейді ол күйініп.

Соңғы жылдары елімізде өтімді көліктердің қатарына осы «Лада» жатады. Себебі, бағасы арзан. Әрі ресейлік машиналарға кедендік баж салығы салынбайды, шекарадан еш кедергісіз өтеді. Бірақ, көлік зерттеушілері Ресейдің көліктері кейде сапасыз материалдармен жасалатынын, бағасы да соған сай екендігін айтады. Ал оқырман сауалына орай, біз Астанадағы «Бипек-Авто» мекемесіне хабарластық. Он­да­ғы менеджерлер бұл мәселе бо­йынша жауап беру міндетіне жат­пайтынын айтып, «Пионер» техникалық қызмет көр­се­ту орталығына жөн сілтеді.

Расул Қамзин,

«Пионер» орталығының кепілдік жөніндегі инженері:

– Рас, бұл мәселе бойынша атал­­ған­ аза­­мат­ кел­ді.­ Біз­ қа­жет ­бөл­­шек­ке тапсырыс берген болатынбыз. Тиісті уақытында бөл­шек келгенімен, ол азаматтың көлігіне сәйкес келмей қалды. Ка­та­лог бойынша тапсырыс бер­­­ген­дік­тен,­ кей­де­ мұн­дай­ жағ­­­дай­лар­ болып тұратыны заңдылық. Сондықтан біз аза­мат­­­қа мәселені түсіндіріп, тағы да күтуін өтіндік. Тапсырыс келген бойда тұтынушыға жедел хабарласатын боламыз.

Гүлмира АЙМАҒАНБЕТ

Пікір жазу

Почтаңыз жарияланбайды

1 + 18 =