ورىنباسار تالابى ورىنسىز دەپ كىم ايتتى؟

0 130

مۇعالىمدەر ۇجىمى:
– سالەمەتسىز بە، يمانعالي نۇرعاليۇلى! سىزگە استانا ق. №53 مەكتەپ-ليتسەيدىڭ ۇجىمى حات جازىپ وتىر. ديرەكتوردىڭ ورىنباسارى داۋلەتبەكوۆا گۇلجان توعانقىزى ەشكىممەن ساناسپايدى، تەك ءوزى شەشىم قابىلداپ، ءسوزسىز ورىندالۋىن تالاپ ەتەدى. بارلىعىمىزدى «Happiness» جەلىلىك ساۋدا كومپانياسىنىڭ ونىمدەرىن ساتىپ الۋعا مىندەتتەيدى، بالالارعا ۇنامايتىنىنا قاراماستان، ۇدايى فوتوسۋرەتشىلەر مەن «ايجان» تەاترىن شاقىرادى. قازىر مۇعالىمدەردىڭ بارلىعىن بىرەگەي كيىم ۇلگىسىن كيىپ جۇرۋگە ماجبۇرلەۋدە. ول يۋبكا مەن جيلەتتەن تۇرادى، باعاسى – 17000 مەن 22000 تەڭگە ارالىعىندا، ال ساپاسى – ادام شوشىعانداي. مۇعالىمدەردىڭ بانكتەن العان كرەديتتەرى بار، كوبى پاتەر جالداپ تۇرادى، بىراق قارسى ءسوز ايتا المايدى، جۇمىستان شىعىپ قالۋدان قورقادى. كاسىپوداق پەن ديرەكتور بۇعان كوز جۇما قارايدى.

جاۋاپ:
– ءبىلىم باسقارماسى اعىمداعى جىلدىڭ 2 قازانىندا سىزدەردىڭ شاعىمدارىڭىزدا مازمۇندالعان دەرەكتەردى تەكسەردى. ءبىلىم باسقارماسىنىڭ باستىعىنا №53 مەكتەپ-ليتسەيدىڭ ديرەكتورى، وقۋ جۇمىسى جونىندەگى جانە عىلىمي-ادىستەمەلىك جۇمىس جونىندەگى ورىنباسارلارى، كاسىپوداق
توراعاسى شاقىرىلدى.

تەكسەرۋ بارىسىندا مىنالار انىقتالدى:

«ايجان» تەاترىنىڭ ساحنالىق كورىنىستەرى قىركۇيەك ايىنداعى 1-4-سىنىپتاردا جول قاۋىپسىزدىگى ەرەجەلەرى بويىنشا وتەتىن ساباقتىڭ باعدارلاماسىنا ساي كەلەدى. مەكتەپتەرگە قويىلىم قويۋعا كەلەتىن تەاترلاردىڭ بارلىعى ءبىلىم باسقارماسى باستىعى قول قويعان رۇقساتناما
العان.

فوتوسۋرەتشى ءسىزدىڭ مەكتەپپەن 2006 جىلدان، اشىلعان ساتتەن باستاپ ىنتىماقتاسا جۇمىس ىستەپ، ءىس-شارالاردىڭ ءبارىن كاسىبي
تۇرعىدان سۋرەتكە ءتۇسىرىپ كەلەدى. گ.ت.داۋلەتبەكوۆانىڭ بۇعان قاتىسى جوق.

«ءناررىness» جەلىلىك ساۋدا ونىمدەرىن گۇلجان توعانقىزى داۋلەتبەكوۆا جۇمىستان قولى بوساعان كەزدەرى، ۇجىمداعى ەشكىمدى ماجبۇرلەمەستەن ساتىپ جۇر.

ۇجىمداعى 113 مۇعالىمنىڭ 77-ءسى (68%-ى) يدەيانى قولداعانىنا قاراماستان، ۇستازدارعا ارنالعان بىرەگەي كيىم ۇلگىسى ەنگىزىلمەيدى.

بۇعان دەيىن ورىنباساردىڭ ۇستىنەن ەشكىم ديرەكتورعا
شاعىم جاساماعان. وسى مەكتەپتە جۇمىس ىستەگەن ءۇش جىل ىشىندە گ.ت.داۋلەتبەكوۆا ىسكە تياناقتىلىعىمەن، وزىنە دە، وزگە دە تالاپ قويعىشتىعىمەن ەرەكشەلەنگەن.

پىكىر جازۋ

پوچتاڭىز جاريالانبايدى

10 + thirteen =