Oqwşılar sarayı

0 4  072

Elimiz boyınşa ğana emes, älem boyınşa da balaması joq erekşe ğïmarat – Oqwşılar ­sarayı. İşki qondırğıları zamanawï tehnïkalarmen jabdıqtalıp, sırtı qazaqï naqışta ärlengen bul nısannıñ keskini men kelbeti tım erekşe. Bul körkem, tört qabattı, köz tartarlıq arhïtektwra twındısı şamamen segiz jarım gektar jerdi alıp jatır. Nısannıñ töbesinde şañıraq ornalasqan. Şeñberdiñ bïiktigi – 8 metr, al dïametri – 156 metr. Alıp, äsem, sulbası erekşe bul ğïmarat arnayı Elbası tapsırması boyınşa salınğan. Eñ qwanıştısı, osınday erekşelikke tunğan nısan balalardıñ ïgiligine arnaladı.

ALIP KONSTRWKCÏYA – ARMAN BASPALDAĞI

2011 jılı boy kötergen ğïmarattıñ jalpı awdanı – 61274,6 şarşı metr. Tört qabattan turatın nısandağı bölmeler sanı – 842. Ğïmaratqa kirip kelgen adamnıñ közi birden üzdiksiz aynalıp turatın alıp konstrwkcïyağa tüsedi. Bul bir jağınan sekcïyalar bağıtınıñ jan-jaqtılığın körsetetin saray embleması bolsa, ekinşi jağınan är balanıñ armanı ispetti. Toqtamaydı. Ünemi qozğalıs üstinde. Balalardıñ arman baspaldağı osı jerden bastaw aladı. Erteñine erinbey qaraytın talaptı jastıñ jigerin janwdı quddı osı aradan bastap kep jibergendey. Qïyalın qïyağa uşırıp, qanattanwdıñ qadamı.
Büginde Oqwşılar sarayı qaladağı qosımşa bilim beretin eñ iri uyım bolıp tabıladı. Ondağı üyirmelerdiñ 60 payızı tegin jürgiziledi. Ärtürli älewmettik az qamtılğan, köp balalı otbasılardıñ balaları köbine munda tegin sabaqtarğa qatıswğa mümkindik aladı. Munday sabaqtardıñ qatarında tehnïkalıq sabaqtar, robototehnïka, jeñil atletïka bolsa, basqa sekcïyalar aqılı jürgiziledi. Olardıñ bağası ayına 2500-den 7000 teñgege deyin özgerip otıradı.

Keşenniñ işindegi 125 üyirmede 10 mıñ oqwşı bilim aladı. Budan bölek, türli bağıttağı sport, ğılımï zerttewler, öner mektepteri de bar. Arnayı, salalıq mektepterden bilim alıp jürgen balalardıñ da qarası köp.

Sonday-aq, munda zamanawï tehnologïyamen jabdıqtalğan tañğalarlıq zerthanalar öte köp. Oqwşılardıñ sanasın serpiltw üşin türli qızıqtı oyındar da ötkizip turadı. Mäselen, bir ğana nayzağaylar soğıp turğan «tesla şow» dep atalatın oyının alsaq, bul vïrtwaldı älemde balalar özderiniñ oylaw qabiletin ösirip, jaña qırınan körsete aladı. Eñ ğajabı, bul zerthanada oyın oynawğa, swretke tüswge, balalardıñ sana-sezimin ösirwge barlıq mümkindik jasalğan.

BALAĞA QAJETTİNİÑ BÄRİ BAR

Oqwşılar sarayı – jastardıñ rwhanï jäne mädenï damwınıñ mañızdı ortalığı. Oqwdan tıs waqıtta paydalı dünïemen aynalısqısı keletin, bos waqıtın durıs uyımdastırğısı keletin ärbir oqwşınıñ basın qosatın jer – bul. Jan-jaqtı salalar qamtılıp, balağa qajettiniñ bäri tabılatın saraydıñ dübiri de erekşe.

Büginde munda 10 mıñ balanı qamtï otırıp, türli bağıtta jumıs jasaytın 650-ge jwıq top, 125 üyir­me bar. Olarğa 200-ge jwıq qosımşa bilim berw pedagogtarı sabaq jürgizedi.

Büginde Oqwşılar sara­yında dïplomatïyalıq korpws, zerthana men nanotehnologïyalar sek­cïyası jumıs is­tey­di. Budan basqa, anatomïya, fïzïka sekcïya­ları da aşılğan. Bul – üyir­melerdiñ az ğana böligi. Oqwşılar sarayındağı köptegen sporttıq jäne bï komandaları, sportşılar jasöspirimder arasında älem çempïonı atanğan. Jeñimpazdardı tärbïelew­şi jergilikti pedagogtardıñ işinde ğalımdar da, belgili mamandar da, mwzıkanttar da, Qazaqstan Respwblïkasınıñ eñbek siñirgen ğılım, mädenïet jäne sport qayratkerleri de bar.
Bul ğïmaratta jeñil, awır atletïka alañı, swda jüzw basseyni, muz aydını, fwtbol, hokkey, basketbol alañı, tennïs zaldarı bar. Stwdïyalarmen qatar teatr, dayındıq alañdarı, orkestr, hor, bï, balet jäne drama toptarına arnalğan sahna, körme zalı, amfïteatr ornalasqan. Saraydıñ öz ashanası men medïcïna ortalığı, türli tehnïkalıq qızmetterge arnalğan bölmeleri bar. Sonday-aq, Oqwşılar sarayında Qızıl kitapqa engizilgen, sïrek kezdesetin ösimdikteri bar qısqı baq, 3D tehnologïyasın paydalanw arqılı panoramalıq, sferalıq jäne ğalamşarlıq keskindeme körw mümkindigin beretin planetarïy, ïnnovacïya­lıq şeşimder jïıntığı toptastırılğan vïrtwaldı zerthana sekildi zamanawï ortalıqtar ornalasqan. Bul az deseñiz, sarayda balalarğa arnalğan «Medïaortalıq», atom energetïkası jönindegi aqparattıq ortalıq, ulttıq ïnteraktïvti park qızmet atqaradı. Oqwşılar sarayı aşılğan künnen bastap türli tematïkalıq körmeler, sonımen qatar tanıstırılımdar, körme bayqawları, beynelew öneri üyirmesiniñ jas swretşiler şığarmaşılıqtarı men qoldanbalı sändik öneri, qazirgi zamanawï dïzaynı, şığarmaşılıq kezdeswler jäne master-klass uyımdastırılıp, ötkizilip keledi. Teorïyalıq jäne praktïkalıq bilim alw üşin bükil jağday jasalğan Oqwşılar sarayında balalar muğalimderdiñ, käsibï mamandardıñ kömegimen mektepte alğan bilimderin de nığaytadı.

ULTTIQ ÏNTERAKTÏVTİ SAYABAQ

Oqwşılar sarayınıñ işinde ornalasqan türli ortalıqtardıñ arasınan Ulttıq ïnteraktïvti sayabaqtı erekşe atap ötwge boladı. Ol Elbası Nursultan Nazarbaevtıñ tapsırmasımen salınğan bolatın. Sayabaqtıñ bastı maqsatı – är balanıñ tulğa retinde jan-jaqtı damwına, sonday-aq balalardıñ öz betinşe bilim alwına jäne özin-özi jetildirwine järdem berw.
Bul park zamanawï ğılımï zerthanalarmen, sport jabdıqtarımen jäne ïnteraktïvti ekspozïcïyalarmen jabdıqtalğan. Oqwşılar sarayı büginde bilim alwşılar üşin ïnteraktïvti parktiñ «Ğılım men tehnologïya», «Sport jäne densawlıq», «Öner, bï jäne mwzıka» attı negizgi üş klasterin usınıp otır.
1400 şarşı metr awmaqtı alıp jatqan park, eñ aldımen, balanıñ damwına erekşe ıqpal etedi. Zerttew­ler jürgizip, kelwşilerdiñ bilgirligin damıtwğa jäne şığarmaşılıq qabiletin arttırwğa mümkindik beredi.
Äbw Nasır äl-Farabï «Ğılım adam sanasına bolmısı bölek, erekşe utqırlı uğımdardı ornıqtırw arqılı ğana tereñ uyalaydı» degen. Bul park te büginde bilim alwşılardıñ öner jäne sport salasına baylanıstı üyirmelerge qatısatın, sonday-aq, ğajayıp eksponattar, ïnteraktïvti bilimdilik attrakcïondarımen jumıs jasap, zañdarmen, tabïğattanw qağïdattarımen aynalıswğa bolatın orınğa aynaldı. Oqıtw maqsattarına qızmet etetin ekspozïcïya qurıp, kelwşilerdiñ qızığwşılığın arttırıp, olarğa ğılım men onıñ ärtürli salalarınıñ mümkindikterin körsetetin ïnteraktïvti parktiñ atqarıp otırğan qızmeti erekşe.

Güljan RAHMAN

Pikir jazw

Poçtañız jarïyalanbaydı

ten + 1 =