وقۋ ءتۇبى — وزۋ

0 97

ەلباسى جولداۋىندا ءبىلىم ساپاسىن ارتتىرۋعا ايرىقشا ءمان بەرىپ: «باسەكەگە قابىلەتتى دامىعان مەملەكەت بولۋى ءۇشىن ءبىز ساۋاتتىلىعى جوعارى ەلگە اينالۋىمىز كەرەكتىگىن، بالالارىمىزدىڭ، جالپى، جەتكىنشەك ۇرپاقتىڭ فۋنكتسيونالدىق ساۋاتتىلىعىنا دا زور كوڭىل ءبولۋ قاجەتتىگىن» دەپ اتاپ كورسەتكەن.

مەملەكەت باسشىسىنىڭ ايتقان تاپسىرمالارىن ورىنداۋعا ەلوردالىق ءبىلىم سالاسىنىڭ ماماندارى دا بارىنشا ەڭبەك ەتىپ جاتىر.

استانا قاي جاعىنان دا وزگە ءوڭىر­لەرگە ۇلگى بولۋى قاجەت. ءبىلىمدى دە ءبى­لىكتى، وي-تانىمى كەڭ ۇرپاق تاربيەلەۋ جاعى­نان دا استانا الدىڭعى قاتاردان كورى­نۋى ءتيىس. باس وردانىڭ مۇعالىمدەرى مەن وقۋ­شىلارى وزدەرىنە ارتىلىپ وتىر­عان سەنىم مەن جاۋاپكەرشىلىك جۇگىن جاقسى تۇسىنەدى. قانداي سايىس­تاردا بولسىن ەلوردالىق ورەندەردىڭ وزا شاۋىپ، بايگە الۋى – سونىڭ ايقىن كورىنىسى. ۇلتتىق بىرىڭعاي تەستىلەۋدە دە استا­نالىق وقۋشىلار جوعارى ناتيجە كور­سەتىپ كەلەدى. ءسوزىمىز دالەلدى بولۋى ءۇشىن قا­لالىق ءبىلىم باسقارماسىنىڭ ءمالى­مەت­تەرىنە جۇگىنەلىك.
بىلتىرعى جىلدى قورىتىندىلاعان سوزىندە باسقارما باستىعى ءاسيما بيمەندينا 2012 جىلى ەلوردالىق جەتكىنشەكتەر وي-ءورىس دەڭگەيىن باعام­دايتىن زياتكەرلىك سايىستاردا 85 مەدال يەلەنگەنىن ايتادى. ول ول ما، ورەن­دەر ءوز وتانداستارى ورتاسىندا عانا ەمەس، شەتەلدىك زامانداستارى اراسىندا دا بايگە وزدىرىپ، قارىم-قابىلەتىن تانىتا بىلگەن. بىلتىر وقۋشىلار ءۇندىستان، برازيليا، رەسەي، قىتاي، رۋمىنيا، كيپر، گرۋزيا، تۇركيا سىندى كوپتەگەن ەلدەردەگى حالىقارالىق بايقاۋلارعا، عىلىمي جارىستارعا قا­تىسىپ كەلگەن ەكەن. «شەت مەملەكەتتەردە جىل سايىن وتەتىن جارىستاردا باق سىناۋ – ۇلكەن ابىروي. مۇنداي الەمدىك دەڭگەيدەگى جارىستاردىڭ جولداماسى ناعىز مىڭنان تۇلپار شىققاندارعا عانا بەرىلەدى. وقۋشىلارىمىز سەنىمدى اقتادى. حالىقارالىق سايىستاردا 85 مەدالدى قانجىعاسىنا بايلاپ قايتتى. سونىڭ 14-ءى – التىن، 35-ءى – كۇمىس، 36-سى – قولا مەدال»، – دەيدى ءاسيما تەمكەقىزى.

2012 جىلى قازان ايىندا برا­زي­ليانىڭ نوۆوگامبۋرگ قالاسىندا جالپى ءبىلىم بەرەتىن پاندەردەن وتكەن XXVII «Mostratec» حالىقارالىق عى­لىمي جوبالار جارمەڭكەسىندە قازاق­ستان كومانداسىنىڭ نامىسىن قور­عاعان 25 وقۋشى 5 التىن، 7 كۇمىس مەدالدى جەڭىپ العان. بۇل عىلىمي جوبا ءجار­مەڭكەسىنە 50 مەملەكەتتەن 1500 ورەن قاتىسقان ەكەن.

باسقارمانىڭ مالىمەتىنە سايكەس، №60 مەكتەپ-ليتسەيىنىڭ وقۋشىسى اقجان جولدىمۇراتوۆا جانە دارىندى ەر بالالارعا ارنالعان قازاق تۇرىك ليتسەي-ين­تەرناتىنىڭ وقۋشىلارى اباي قوجا­بەرگەنوۆ، دانەل اراپوۆ، نۇرلان الىشەر، ايدار جەتەنوۆتىڭ عىلىمي جۇمىستارى ەڭ ۇزدىك جوبا رەتىندە تانىلعان. ەندى ولار بيىل ارگەنتينا قالا­سىندا وتەتىن حالىقارالىق عىلىمي جو­بالار كونكۋرسىنا قاتىسپاق.

ال، رەسپۋبليكالىق عىلىمي جوبالار جارىسىندا استانا قالاسىنىڭ قاتىسۋشىلارى جالپى كوماندالىق ءى ورىندى يەلەنىپ، «جىلدىڭ ۇزدىك كومانداسى» اتانعان.

قىمبات توقتامۇرات 

پىكىر جازۋ

پوچتاڭىز جاريالانبايدى

1 × 2 =