Öñirler önimi – ötimdi

0 90

Rısgül QAWĞABAEVA, Astana qalası Käsipkerlik jäne önerkäsip basqarması bastığınıñ orınbasarı:

– Ulıstıñ ulı küni – Nawrızdı merekelew bïıl burın-soñdı bolmağan özgeşe jağdayda ötkizilmek. Erekşeligi, elordalıqtardı merekemen quttıqtawğa elimizdiñ 8 aymağı kelmek. Atap aytsaq, olar – Pavlodar, Almatı, Aqmola, Qostanay, Soltüstik Qazaqstan men Oñtüstik Qazaqstan, Qarağandı oblıstarı men Almatı qalası. Sonday-aq, «Qazaq eli» monwmentiniñ aldındağı alañda ötetin järmeñkege Astananıñ 14 käsipornı qatısıp, öz önimderin köpşilik nazarına usınbaq. Qalalıq äkimdiktiñ aldındağı ortalıq alañda da ülken merekelik şara uyımdastırıladı.

– Järmeñkede qanday önimder satıladı? Äri oğan kelgen qonaqtarğa arnayı merekelik şara uyımdastırıladı ma?

– Atalmış järmeñkege 8 öñirden 150 tonnadan astam önim jetkiziledi. Onıñ işinde awılşarwaşılıq jäne jergilikti käsiporındar tawarları arzan bağamen satıladı. Mäselen, qarağandılıqtar «Topar» jılıjayında ösirgen kökönisterin arzan bağamen satadı. Ol – ekologïyalıq taza önim. Sonday-aq, Qostanaydıñ «Dep» şarwaşılığı äkeletin süt önimderi, un, et bağaları onşa qımbat emes. Bulardan bölek är aymaqtıñ elordalıqtarğa arnayı tartwı bar. Olar – koncerttik bağdarlamalar men sporttıq jarıstar.
Jalpı, munday järmeñke qala turğındarı üşin tañsıq emes. Sebebi, buğan deyin de birneşe märte ötkizilgen bolatın. Merekeniñ tağı bir erekşeligi – sawda düñgirşekteri kümbezdi boladı. Alañğa kelgen astanalıqtar men qonaqtar bawırsaq, nawrız köje men palawdan däm tata aladı.

– Aytıñızşı, qala bazarları men oyın-sawıq ortalıqtarınıñ Nawrızğa dayındığı qalay?
– Älbette, elimizdiñ töl merekesin merekelewge qalanıñ oyın-sawıq ortalıqtarı men bazarları da zor ülesin qospaq. Mäselen, bügin «Şapağat» kommwnaldıq bazarı Nawrız toyın jasap jatır. Sol sïyaqtı basqa da ujımdar qarap qalması anıq.

Aynur ŞOŞAEVA

Pikir jazw

Poçtañız jarïyalanbaydı

fourteen − 3 =