Öner ortalığına aynaladı

0 74

Bügin elordada qala äkimi Baqıt Sultanov 2 mawsım men 10 tamız aralığında ötetin halıqaralıq Astana Art Show zamanawï öner festïvaliniñ art-dïrektorı jäne jetekşisi Jerom Sanspen kezdesti.

Şahar basşısı zamanawï swretşiler forwmın ötkizwge jan-jaqtı kömek körsetetinin ayttı. Körme eki alañda – Beybitşilik jäne kelisim, Täwelsizdik saraylarında ötedi. Ol 15 eldiñ 40-qa jwıq swretşisiniñ basın qospaq. Sonday-aq öner festïvali ayasında «Birinşi baylanıs» jastar körmesi men halıq­aralıq Racing the Galaxy körmesi de uyımdastırıladı.
«Bul joba ekinşi jıl jumıs istewde. Bizdiñ bastı maqsatımız – qazirgi zamanğı öner körsetetin darındı swretşilerdi bir alañda jïnaw. Astana Art Show-2019 barlıq swretşilerge tän nomadïzm men erkindik rwhın paş etedi» dedi Artios jäne TSE Art Destination galereyasınıñ negizin qalawşı Dïna Baytasova.
«Birinşi baylanıs» jastar körmesinde otandıq 22 jas swretşiniñ jumıs­tarı usınıladı. Al Racing the Galaxy körmesinde tanımal qazaqstandıq öner ïelerimen qatar şeteldik swretşilerdiñ jumıstarın da körwge boladı. Körme ayaqtalğannan keyin jumıstardıñ basım böligi murajaylarğa berilse, art-ïnstallyacïyalar men müsinder qala köşelerinde ornalastırılatın boladı.

Pikir jazw

Poçtañız jarïyalanbaydı

15 + seven =