ونەر ورتالىعىنا اينالادى

0 74

بۇگىن ەلوردادا قالا اكىمى باقىت سۇلتانوۆ 2 ماۋسىم مەن 10 تامىز ارالىعىندا وتەتىن حالىقارالىق Astana Art Show زاماناۋي ونەر فەستيۆالىنىڭ ارت-ديرەكتورى جانە جەتەكشىسى جەروم سانسپەن كەزدەستى.

شاھار باسشىسى زاماناۋي سۋرەتشىلەر فورۋمىن وتكىزۋگە جان-جاقتى كومەك كورسەتەتىنىن ايتتى. كورمە ەكى الاڭدا – بەيبىتشىلىك جانە كەلىسىم، تاۋەلسىزدىك سارايلارىندا وتەدى. ول 15 ەلدىڭ 40-قا جۋىق سۋرەتشىسىنىڭ باسىن قوسپاق. سونداي-اق ونەر فەستيۆالى اياسىندا «ءبىرىنشى بايلانىس» جاستار كورمەسى مەن حالىق­ارالىق Racing the Galaxy كورمەسى دە ۇيىمداستىرىلادى.
«بۇل جوبا ەكىنشى جىل جۇمىس ىستەۋدە. ءبىزدىڭ باستى ماقساتىمىز – قازىرگى زامانعى ونەر كورسەتەتىن دارىندى سۋرەتشىلەردى ءبىر الاڭدا جيناۋ. Astana اrt Show-2019 بارلىق سۋرەتشىلەرگە ءتان نوماديزم مەن ەركىندىك رۋحىن پاش ەتەدى» دەدى Artios جانە TSE Art Destination گالەرەياسىنىڭ نەگىزىن قالاۋشى دينا بايتاسوۆا.
«ءبىرىنشى بايلانىس» جاستار كورمەسىندە وتاندىق 22 جاس سۋرەتشىنىڭ جۇمىس­تارى ۇسىنىلادى. ال Racing the Galaxy كورمەسىندە تانىمال قازاقستاندىق ونەر يەلەرىمەن قاتار شەتەلدىك سۋرەتشىلەردىڭ جۇمىستارىن دا كورۋگە بولادى. كورمە اياقتالعاننان كەيىن جۇمىستاردىڭ باسىم بولىگى مۇراجايلارعا بەرىلسە، ارت-ينستاللياتسيالار مەن مۇسىندەر قالا كوشەلەرىندە ورنالاستىرىلاتىن بولادى.

پىكىر جازۋ

پوچتاڭىز جاريالانبايدى

seventeen − 7 =