ويىن الاڭى – اۋلانىڭ كوركى

0 67

ەڭ عاجاپ قالا – ول ادامنىڭ باقىتتى بولعان جەرى. جاڭا قالانىڭ جىل وتكەن سايىن جاسانىپ، جاڭارۋى تۇرعىندار كوڭىلىنە قۋانىش سىيلايدى. البەتتە ءوزى تۇرعان ءۇيدىڭ اۋلاسى جارقىراپ، ءسان مەن سالتاناتى كەلىسىپ تۇرعانىن كىم قالامايدى دەيسىڭ؟نۇر-سۇلتان قالاسىنداعى 4 اۋدان بويىنشا 1500-ءدىڭ ۇستىندە اۋلا بولسا، بيىل ونىڭ 145-ءى اباتتاندىرىلادى. ءالى 60-تان استام اۋلا جوندەۋدى قاجەت ەتەدى. اباتتاندىرۋ جۇمىستارىنىڭ باسىم بولىگى جول كارتاسى باعدارلاماسى اياسىندا ىسكە اسپاق. ەندى ءار اۋدانداعى ويىن الاڭدارىنىڭ سانى مەن ساپاسىنا توقتالايىق. ەلوردانىڭ وڭتۇستىك جاعالاۋىنداعى سارىارقا اۋدانىنا قاراستى بۇگىندە 540 اۋلا بار. بىلتىر اۋدان بويىنشا قارقىندى جۇمىستار جۇرگىزىلگەن. 40 اۋلا اباتتاندىرىلىپ، «بيۋدجەتكە قاتىسۋ» قاناتقاقتى جوباسىمەن 7 اۋلاعا كۇردەلى جوندەۋ جۇمىستارى جۇرگىزىلدى.
«Samruk-KazynaTrust» كورپوراتيۆتىك قورىنىڭ قارجىلاندىرۋىمەن گەتە، 10 كوشەسىنىڭ اۋلاسى زامانعا ساي ويىن، سپورت الاڭدارىمەن جابدىقتالدى. اتاپ ايتقاندا، فۋتبول، «ستريبول» باسكەتبول وينايتىن جانە «Workout» جاتتىعۋ الاڭدارى، شاعىن ساۋلەت فورمالارى قازىر اۋلانىڭ ءسانىن كەلتىرىپ، تۇرعىنداردىڭ يگىلىگىنە اينالدى.
تۇرعىن ۇيلەردىڭ ىشكى اۋماعىنداعى 16 فۋتبول الاڭى، 2 باسكەتبول الاڭى، 24 جاتتىعۋ الاڭىنا 180 ترەناجەر، «Workout» سپورتتىق ترەناجەردىڭ 2 ءتۇرىن جانە 171 شاعىن ساۋلەت پەن 1 «ستريتبول» باسكەتبول كەشەنى ورناتىلعان. وسىنداي جۇمىستار بيىل دا جالعاسىن تاپپاق. اۋدانداعى تاعى دا 40 اۋلاعا بيۋدجەت ەسەبىنەن اباتتاندىرۋ جۇمىستارى جوسپارلانىپ وتىر. جالپى، سارىارقا اۋدانىنداعى 540 بالالار الاڭىنىڭ 10 پايىزىن قايتا جوندەۋ قاجەت. سوندىقتان قازىرگى ۋاقىتتا اۋلالاردى اباتتاندىرۋ بويىنشا مەملەكەتتىك ساتىپ الۋدى وتكىزۋ جونىندە بايقاۋ ۇيىمداستىرۋ جوسپارلانىپ وتىر. وسىنداي يگىلىكى جۇمىستار بيىل بايقوڭىر اۋدانىندا دا قولعا الىندى. مۇندا 50 اۋلانى اباتتاندىرۋ جوسپارلانعان. اسىرەسە، «جاستار» شاعىن اۋدانىنداعى اباي داڭعىلىنىڭ، باراەۆ، وماروۆ، وتىرار كوشەلەرى بويىنداعى تۇرعىن ۇيلەردىڭ اۋلالارىنا جوندەۋ جۇمىستارى جۇرگىزىلمەك. بالالار ءۇشىن ويىن الاڭىنا ەكى ورىندىق اتكەنشەك، سەرىپپەلى اتكەنشەك، بالالار ويىن كەشەنى، قۇممەن ويناۋ، كوشە ترەناجەرلەرى جانە شاعىن ساۋلەت فورمالارىن ورناتۋ قاراستىرىلعان. اباتتاندىرۋ جۇمىستارىنا جول كارتاسى اياسىندا رەسپۋب­ليكالىق بيۋدجەتتەن قارجى قۇيىلماق. قازىرگى ۋاقىتتا بايقوڭىر اۋدانىنداعى 235 اۋلانىڭ 67-ءسى جاڭارتۋدى قاجەت ەتسە، ازىرگە 50 اۋلاعا قايتا جوندەۋ جۇمىستارى جاسالادى. 399 اۋلاسى بار ەسىل اۋدانى اۋماعىندا دا ويىن الاڭدارىنىڭ قۇرىلىسىنا ءمان بەرىلىپ وتىر. مۇندا 66 اۋلاعا اباتتاندىرۋ جۇمىسى قاجەت. الايدا قاراجات كوزدەرىنە قاراي بيىل 22 اۋلانى جوندەۋ جوسپارلانىپ وتىر. بۇل اۋلالارعا قاۋىپسىز ءارى سەرتيفيكاتتالعان شاعىن ساۋلەت فورمالارى ورناتىلادى. قوعامدىق جەرلەردەگى 1 ۋچاسكەدە جانە 20 اۋلادا جوندەۋ جۇمىستارى جۇرگىزىلەدى. سونداي-اق ينۆەس­تور تارتۋ ارقىلى 1 بالالار الاڭىن جاڭارتۋعا مۇمكىندىك بار. مۇنداي مۇمكىندىككە الماتى اۋدانى تۇرعىندارى دا يە بولماق. اۋدان بويىنشا 387 اۋلا بولسا، جىل سايىن جوسپار بويىنشا ءار اۋلاعا ويىن الاڭدارى ورناتىلىپ كەلەدى. بيىلعى قۇرىلىس جۇمىستارىنىڭ قاتارىندا قورداي كوشەسى №75 ءۇي مەن كەنەن ازىرباەۆ كوشەسىندەگى №10 تۇرعىن ءۇي اۋلالارىن اباتتاندىرۋ بار. ماۋسىم ايىنىڭ باسىندا قوسىمشا شاعىن ساۋلەت فورمالارى مەن ترەناجەرلەردى ورناتۋدى باستايدى. ايناكول كوشەسىنىڭ №56, 56/1 جانە راقىمجان قوشقارباەۆ داڭعىلىنداعى №45, 45/1 تۇرعىن ءۇي اۋلالارىنا كەشەندى اباتتاندىرۋ جۇمىسى جۇرگىزىلەدى. سپورت جانە بالالار ويىن الاڭدارى مەن كولىك تۇراعىن جاساۋ الداعى ايدا باستالماق. اعىمداعى جوندەۋ جۇمىستارى ءوز كەزەگىمەن جۇرگىزىلەدى. مىسالى، عابيدەن مۇستافين كوشەسىندەگى №15/2 تۇرعىن ءۇي اۋلاسىندا وسىنداي جۇمىستار اتقارىلماق.

پىكىر جازۋ

پوچتاڭىز جاريالانبايدى

15 − 9 =