Бүгін Астанадағы Тәуелсіздік сарайында Мемлекет басшысының қатысуымен өткен Мәслихат депутаттарының республикалық форумы туралы Астана қалалық мәслихатының депутаты Талғат Дүйсеков пікір білдірді, деп хабарлайды astana-akshamy.kz.
-Форум барысында еліміздің әлеуметтік-экономикалық дамуы, өңірлердің тұрақты өсімі, мемлекеттік басқарудың тиімділігін арттыру, азаматтардың құқықтары мен мүдделерін қорғау сияқты маңызды мәселелер талқыланды.
Сондай-ақ жергілікті өкілді органдардың рөлі, халықпен кері байланысты күшейту және өңірлік деңгейде қабылданатын шешімдердің сапасын арттыру тақырыптарына ерекше назар аударылды. Мұндай кездесулер тәжірибе алмасуға, өзекті мәселелерді ашық талқылауға және мемлекеттік саясаттың негізгі бағыттарын бірлесіп жүзеге асыруға мүмкіндік береді, — деді депутат.
