ناق-ناق

0 93

تەاتر كۇنىن تويلادى

   كەشە بەيبىتشىلىك جانە كەلىسىم سارايىندا حالىقارالىق تەاتر كۇنىنە وراي مەرەكەلىك كونتسەرت وتكىزىلىپ، شارا بارىسىندا قالانىڭ ونەر مايتالماندارىنا قۇرمەت كورسەتىلدى.

وسى ايتۋلى كۇنگە بايلانىستى تەاتر ونەرپازدارىنا قالا اكىمى يمانعالي تاسماعامبەتوۆ ارنايى قۇتتىقتاۋ جولدادى. «ونەر سالاسىنىڭ ىشىندە تەاتر­دىڭ الار ورنى قاشاندا بولەك. كورەرمەن كوڭىلىن نۇرعا، جۇرەگىن جىرعا بولەيتىن دە، قوعامنىڭ رۋحىنا دەم، ىشكى جان دۇنيەلەرىنە ەم بەرە­تىن دە – تەاتر ونەرى. ەندە­شە، ەلوردا حالقىنىڭ تالعا­مىن ءتار­بيەلەپ، رۋحاني بايىتا تۇسۋگە قىزمەت ەتىپ كەلە جات­قان استانا قالاسىنىڭ تەاتر ۇجىم­دارىنا ەڭبەكتەرىڭىز جانا بەر­سىن دەمەكپىن» دەلىنگەن استانا اكىمىنىڭ قۇتتىقتاۋ سوزىندە.
سونىمەن قاتار، مەرەكەلىك كون­­تسەرت بارىسىندا استانا قالا­سىندا تەاتر ونەرىنىڭ دامۋىنا سۇبەلى ۇلەستەرىن قوسىپ كەلە جات­قان بىرقاتار اكتەرلەر مەن ۇجىم جەتەكشىلەرىنە ەلوردا اكىمىنىڭ العىس حاتتارى تابىس ەتىلدى.

جولاۋشىلار جەڭىلدىكپەن جۇرەدى

2013 جىلدىڭ 1 ساۋىرىنەن باستاپ «جولاۋشىلار تاسىمالى» اق جايلى دا ىڭعايلى «تالگو» جولاۋشىلار پويىزدارىنىڭ «گراند» جانە «بيزنەس» كلاسى ۆاگوندارىنا 20% جەڭىلدىكتەر ەنگىزەدى. 

جەڭىلدىكتەر  №1/2 «الماتى–استانا» – «تۇلپار»، 151/152 «ال­ماتى–پەتروپاۆل» – «جەتى­سۋ» جولاۋ­شىلار پويىزدارى­نا،  سونداي-اق  №87/88 «اقتوبە–استانا»–«اقتوبە» پويىزىنىڭ «تۋريست» ۆاگونىندا جول ءجۇرۋ­گە قاراستىرىلعان.

استانا اكىمدىگىنىڭ سايتى جاڭاردى

جىل باسى –  ناۋرىزدان باستاپ استانا قالاسى اكىمدىگىنىڭ ينتەرنەت-رەسۋرسى جاڭا قالىپقا كوشتى. سايتتى جاساۋ­شىلاردىڭ جەتەكشىسى تالعات سەرىكۇلىنىڭ ايتۋىنشا، اكىمدىكتىڭ بۇل جولعى ۆەب-وكىلدىگى فۋنتسيونالدىق تۇرعىدان تۇرعىندارعا دا، حالىققا دا ىڭعايلى. 

ماسەلەن، «حالىقتىق  باقى­لاۋ»  قىزمەتىنە تۇرعىندار ەندى  ارىز-شاعىمدارىن جازباشا ءتۇ­سى­­رىپ قانا قوي­ماي، ماسەلەگە قا­تىس­­تى فوتو­ايعاق قوسىپ، ءتىپتى «يان­دەكس كارتا» ارقىلى مەكەن جايىن دا كورسەتە الادى. سايت اكىم­شىسى ونى بىردەن قۇزىرەتتى ورگانعا جونەل­تەدى. جاۋاپتى مە­كە­مە­نىڭ وكىلى ماسەلەنى قانشا كۇن­دە شەشە­تىنىن بەلگىلەيدى،  ورىن­­دال­­عا­­سىن قايتادان سۋرەتكە ءتۇ­سىرىپ، ءناتي­جەسىن  جاريا­لايدى. مۇ­نىڭ ءبارى­نەن ارىز، ءوتىنىش يەسى پوش­تا ارقى­لى حاباردار ەتىلىپ وتىر­ماق. ەڭ سوڭىن­دا ءوتى­نىش يەسى سايتقا كىرىپ، «قانشا­­لىقتى تەز جاۋاپ قاتتى؟»، «قانشالىقتى تەز ورىن­­دادى؟»، «قانشالىقتى ساپا­لى ورىندادى؟» دەگەن ءۇش تالاپ بويىنشا باعاسىن بەرەدى. ەگەر ءوتىنىش، ارىز ەلەنبەسە، تۇ­سى­نا قىزىل ينديكاتور قويى­لادى. ال ستاتيستيكاسى قالا اكىمى­نىڭ نا­زا­رىنا ۇسى­نىلىپ وتىرادى.  فو­تو­عا ءتۇسى­رەتىندەي جاع­داي بول­ماسا، الدە وندايعا سۇرا­نىپ تۇر­ماعان ماسەلە بولسا، بالا­ما رەتىندە «ۆيرتۋالدى قا­بىل­­داۋ بولمەسى» اتتى ايدار بار. وندا تۇرعىندار ءتۇرلى تۇر­مىس ءتۇيت­­كىل­­دەرىنە قاتىستى ءما­سە­لە­لەرىن جازا الادى. ال تۇر­عىن ءۇي، الەۋمەتتىك نىساندار قۇرى­لىسى، جەر، كوممۋنالدىق قىز­مەت­تەر سىندى كوپشىلىكتى مازا­لاي­تىن، ءجيى قويىلاتىن ور­تاق ساۋالداردىڭ جاۋابى سايت­تا دايىن كۇيىندە تۇرادى. سايت­تىڭ تاعى ءبىر جاڭالىعى – ءتىر­كەلگەن قولدانۋشى قالاسا، اۋا رايى­نىڭ جايسىزدىعىنا وراي قالادان شىعاتىن كۇرە جول­دار­­دىڭ جابىلۋى تۋرالى، جول ءجون­­دەۋ ۋچاسكەلەرى تۋرا­لى، مەك­تەپ­تەردە ساباقتىڭ بولا­تىن-بول­ماي­تىندىعى تۋرالى، كۇندەلىكتى ءما­دەني-كوپشىلىك شارالار تۋرالى ەلەكتروندى پوشتاسىنا اق­پارات الىپ وتىرا الادى.

ەركەجان ساتىمبەك

پىكىر جازۋ

پوچتاڭىز جاريالانبايدى

7 + 20 =