НАҚ-НАҚ

0 63

Өнер форумы өтеді

Наурыздың 5-і мен 16-сы ара­лығында Астанада Халықаралық өнер форумы өтеді. Бас қонағы Елбасы Н.Назарбаев болатын ауқымды шара негізінен Астана­дағы Қазақ ұлттық өнер уни­вер­си­тетінің құрылғанына 15 жыл толуына арналады. Оның құр­метті қонақтары ретінде Мо­нако ханшайымы Каролин Мю­рат, Граф Петр Шереметев, Полад Бюль-Бюль-оглы, Михаил Швыдкой, Анна Сафонова се­кіл­ді таны­мал тұл­ғалар да шақырылған.

Жұмыс жәрмеңкесі

«Көрме» орталығында «Бо­лашақ» бағдарламасының тү­лектері үшін мұнай-газ саласы бойынша бос жұмыс орын­дарының жәрмеңкесі басталды.  Жәрмеңкені өткізу идеясын «Те­ңізшевройл» және «Шлюмберже Лоджелко Инк» компаниялары ұсынған. Ақпанның 27-28-сі күндері «Шлюмберже Лоджелко Инк» компаниясы іріктеу жүргізсе, наурыздың 1-2-сі күндері «Теңізшевройл» ЖШС «Болашақ» түлектерін жұмысқа қабылдау сынағын өткізеді.

Әуежайдағы рейстер саны артады

2017 жылға қарай Астана әуежайына қонатын және ұшатын рейстер санын 20 мыңға дейін арттыру жоспарланып отыр. Осының арқасында жолаушылар саны 5 миллионға дейін көбейеді. Тек 2012 жылы жолаушылар тасымалы 2011 жылмен салыстырғанда 14%-ға артып, 2 303 143 адамға жеткен. Жалпы, өткен жылдың қорытындысы бойынша Астана әуежайында 17 498 рейске қызмет көрсетілген.

Жылу желісі тартылады

ЖЭО-2 орталығынан Халық­аралық ЭКСПО-2017 көрмесі өткізілетін ауданға дейін жылу желі­сін тарту жоспарланып отыр. Оның ұзындығы 26 шақы­рымды құрайды. Бұған қоса Потанин көшесінің бойындағы қолданыстағы жылу желілері қайта салынады.

Құрылыстағы өлім-жітім азайды

2013 жылдың басынан бастап Астананың құрылыс орындарында өлім-жітім  оқиғасы тір­кел­меді, 5 адам жеңіл жара­қат алған. Өткен жылы 63 адам жарақаттанып, оның ішінде 13 адам көз жұмған.

Сансөйлем

2012 жылы шағын және орта кәсіпкерлік мекемелеріне жұ­мысқа тартылғандар саны 4%-ға артып, 165 819 адамға жетті. 2013 жылдың 1 ақпанындағы деректерге сәйкес, Астанада 47 850 ШОБ субъектісі жұмыс істейді. Олардың қатарында – 6 763 заңды тұлға, 41 082 – жеке кәсіпкер, 5 – шаруа қожалығы бар. Бұл кәсіпорындарда шығарылған өнім өткен жылмен салыстырғанда 0,3%-ға артты.

Кеше…

Республика көше­сіндегі Алматы ау­дан­дық ХҚКО-да ха­лықаралық рұқ­сат бланкілерін бө­лу­дің авто­мат­тан­ды­рыл­ған жүйе­сі­нің та­ныс­ты­ры­лы­мы өтті.

Бүгін…

«Дәулет» спорт сарайында сағат 11.00-де «Бұрқа­сын-2013» шаңғы сайысына арнал­ған баспасөз мәсли­хаты өтеді.

Ертең…

Қ.Қуанышбаев атын­дағы Мемле­кет­тік ака­демиялық қазақ музыкалық-драма театрында Қ.Жүнісовтің «Махаббат мелодрамасы» қойылады.

Гүлмира АЙМАҒАНБЕТ

Пікір жазу

Почтаңыз жарияланбайды

5 × 3 =