«MIÑJILDIQTAR TOĞISINDAĞI ASTANA»

0 130

«Mıñjıldıqtar toğısındağı Astana» attı babalar örkenïetiniñ festïvali tört kün boyı elorda toyınıñ körkin asırıp, saltanatın jarastırdı. Şatır astındağı şattıq, otaw işindegi oyın-sawıq, järmeñkedegi sawda-sattıq, kïiz üylerdegi tağılımdı därister, dwlığa-sawıttı düley batırlar, qusbegi, atbegilerdiñ öneri… bäri-bäri osı awıldıñ enşisinde.

Mıñjıldıqtar toğısındağı Astana5

Almatılıqtardıñ Astana toyına tartwı. Ağaş şeberi Nurjan Dilmanov şäkirtterimen şeberlik sınıbın ötkizdi. Ulttıq aspaptıñ 53 türin jasaytın şeber jumıstı şeberhanada jasağan bir bölek, halıqtıñ aldında jasağan bir bölek ekenin aytadı.
Küy kümbirimen ortekeni oynaqtatqan dombıraşınıñ öneri köpşilikti tänti etti.

Mıñjıldıqtar toğısındağı Astana6

«At jalında» attı şabandozdar dwmanı. Tulpar tizgindegen jigitter şapqınşılıq jıldarındağı qazaq batırlarınıñ erligin ayşıqtadı. Nayzalaswdıñ, qılıştaswdıñ, jambı atwdıñ ğajap ülgilerin körsetti. Awızdıqpen alısqan säygülik üstindegi qınama belbew baylap, bes qarwın tügel asınğan ayboz uldardıñ ayqası delebemizdi qozdırıp, sonaw bir ğasırdı köz aldımızğa äkelgeni ras.

Mıñjıldıqtar toğısındağı Astana4

Elorda merekesine at şaldırıp kelgen özbek, täjik ulttarı ökilderiniñ öneri toydıñ şattığın ärledi. «Uzın sïraqtarına» qaramay sekire bïlep, dabıl qağıp dwmandatqan ala şapandılardı qızıqtağan qonaqtar da az emes. Än ırğağımen beldesip, alısqan ağayındarımızdıñ önerin körermen fotoswretke tüsirip älek.

Mıñjıldıqtar toğısındağı Astana2

Oñtüstik Qazaqstan öñiriniñ qolönerşileri kïiz baswdan şeberlik sınıbın ötkizdi. Olar tütilgen qoy jünin şï betine ornalastıra jürip, kïizdiñ paydalı qasïetteri jayında äñgimeledi. Qızığwşılıq tanıtqan elordalıqtar qazaq awılındağı tirşilikke bir sät enip ketkendey küy keşti. Şeber Tañşolpan İbijanova bul önerdiñ äjesinen darığanın aytadı.

Mıñjıldıqtar toğısındağı Astana

Qolöner buyımdarınıñ körme-järmeñkesiniñ sawdası qızw jürdi. «Qazaqı taqïyanıñ örnegi qanday ädemi!» dep tamsanadı arwlar.

Mıñjıldıqtar toğısındağı Astana3

«Bulğarı sadaq, buqar jay,
Tarta almasam mağan sert!»
Bel küşime şıdamay,
Beliñnen ketseñ sağan sert!
degen qazaq batırı adırnanı kere tartıp, sur jebeni nısanağa däldey qadadı.

Mıñjıldıqtar toğısındağı Astana1

Merekeniñ dwmanın asırğan – büldirşinder. Ulttıq naqışpen ärlengen alañqay balalardıñ külkisimen, oyınımen dwmanğa toldı.

Äzirlegen: Ashat RAYQUL

Pikir jazw

Poçtañız jarïyalanbaydı

one × one =