«Астана ақшамы»
Ел жүрегі – елорда шежіресі

Мұғалімдерге де жатақхана беріледі

0 272

Қалалық Білім басқармасында мұғалімдерді жатақханаға орналастыруға арнайы құрылған комиссияның алғашқы отырысы болды.

Бүгінде шаһардағы Қос­шы­ғұлов көшесінің бойындағы №65 мек­теп­тің аумағындағы жатақ­ха­надан елордалық педа­гогтарға 250 орын бөлініп отыр. Бұл ғимарат бас­тапқыда студенттерге арнап салынған. Енді оған ұстаздар қоныстанады.
Комиссия отырысында жатақ­ханаға орналасатындарды ірік­теу мәселесі сөз болды. Бұл жерде отбасылы, балалы-шағалы ұстаздарға орын берілмейді.
Өйткені бөлмелердің шаршы метрі соншалықты көп емес. Мәселен, екі орындық бөлме 13 ш. м құраса, үш орындық бөлме 19 ш. м қамтиды. Тағы бұған тек үйленбеген немесе тұрмыс құрмаған жалғызбасты мұғалімдер орналасады.
«Біз қазір жатақханаға орын беру тәртібі туралы ережені әзірлеп жатырмыз. Орындар белгілі бір өлшемдер арқылы бөлінеді. Мәселен, мүгедектігі бар мұғалімдерге, ата-анасы жоқ, жас ұстаздарға, еңбек өтілі бар және оқу орындарын қызыл дипломмен бітірген педагогтарға басымдық беріп отырмыз. Оларды әрине, әуелі мектеп ішінен құрылған комиссия сараптайды. Оған «Нұр Отан» партиясынан, үкіметтік емес ұйымдары мен бұқаралық ақпарат құралдарының өкілдері тар­тылған. Содан кейін құ­жаттар біздің комиссияға түседі. Жатақхана құны қымбат емес, қолжетімді. Мұғалім онда тұру үшін бір жыл келісімшартқа отырады» деді Білім бас­қармасының әкімшілік-құқықтық бөлімінің басшысы Жаңыл Қылышбаева.

 

Пікір жазу

Почтаңыз жарияланбайды