Muğalimderdi artıq jumısqa tartqandarğa – 120 AEK ayıppul

«Pedagog märtebesi twralı» zañ tağı qanday quqıqtardı qorğaydı?

0 105

Ükimet otırısında «Pedagog märtebesi twralı» zañ jobası bekitildi. Ol muğalimderdiñ jüktemesin azaytwdı, olardı özderine tän emes jumıstardı orındawdan bosatw arqılı öz-özderin damıtwına jäne şığarmaşılıqpen aynalıswına mümkindik berwdi, materïaldıq jäne materïaldıq emes ıntalandırwdı, sonday-aq bäsekege qabilettigin arttırwdı közdeydi.

Prem'er-Mïnïstr Asqar Mamïn Bilim jäne ğılım mïnïstrligine atalğan zañ jobasın Parlament Mäjilisine 1 qırküyekke deyin engizwdi tapsırdı. Ükimet basşısınıñ orınbasarı Berdibek Saparbaevtıñ aytwınşa, jaña zañ jobası elimizde 500 mıñday ustazdıñ müddesin qorğaydı degen boljam bar. Büginde «Pedagog märtebesi twralı» zañ jobası qarjımen tolıq qamtamasız etilgen: oğan üş jılğa 930 mlrd teñgege jwıq qarjı bölinedi.

«Pedagog märtebesi twralı» zañ jobasında ustazdarğa birneşe qosımşa aqı tölew qarastırılğan.

«Sınıp jetekşiligi üşin – 173 mıñ muğalimniñ, al däpterlerdi teksergeni üşin 165 mıñ muğalimniñ qosımşa aqısı eki esege köbeyedi. 212 mıñnan astam qızmetkerdiñ biliktilik sanatı üşin aylıq jalaqıdan 30-dan 50 payızğa deyingi mölşerde qosımşa aqı alwına mümkindik beriledi. 7 mıñ qızmetkerge magïstr därejesi üşin 10 AEK mölşerinde qosımşa aqı tölenedi. 18 mıñ qızmetker tälimgerligi üşin 1 bazalıq lawazımdıq mölşerinde qosımşa aqı aladı» – dedi Bilim jäne ğılım mïnïstri Ashat Aymağambetov.

Sonday-aq jaña zañnıñ arqasında 100 mıñnan astam pedagog qosımşa 14 kün jazğı demalıs alıp, endi jalpı uzaqtığı 56 kün demalatın boladı. Al materïaldıq emes ıntalandırwğa kelsek, muğalimderdiñ balaları endi balabaqşağa birinşi kezekte ornalasadı.

Bilim jäne ğılım mïnïstri pedagogtıñ jüktemesin qısqartw boyınşa da şaralar qabıldanatının jetkizdi. Bul orayda muğalimniñ käsibï frakcïyasına kirmeytin mindetterdi jüktewge, şamadan tıs esep berwge, negizsiz tekserwler jürgizwge tıyım salınadı. Quqıq buzwşılıq swb'ektisine baylanıstı muğalimderdi özine tän emes fwnkcïyalarğa jäne artıq esep berwge tartqanı üşin 20-dan 120 AEK-ke deyin ayıppul salw zañ jobasında qarastırılğan.

Älbette, muğalimge qoyılatın talaptar da jaña zañ jobasınan tıs qalğan joq.

«Pedagog märtebesin arttırw arqılı muğalimniñ qızmetine qoyılatın talaptar da küşeymek. Sondıqtan zañ jobasına säykes, 2021 jılğı 1 qañtardan bastap wnïversïtet tülekteri pedagog biliktiligine säykestigin rastaytın boladı. Munımen qosa qoldanıstağı şektewlerden basqa psïhïkalıq jäne minez-qulıqtıq awıtqwı bar, äreketke jaramsızdığına baylanıstı därigerdiñ baqılawında turğan adamdarğa pedagog qızmetimen aynalıswğa tıyım salınadı» – dedi Ashat Aymağambetov.

Memleket basşısınıñ tapsırması boyınşa jaña zañ jobası jıl soñına deyin qabıldanwı tïis.

Pikir jazw

Poçtañız jarïyalanbaydı