Mügedekterge nısandardıñ qoljetimdiligin qalay arttıramız?

0 49

Jwırda ötken Ükimettiñ keñeytilgen otırısında Memleket basşısı Qasım-Jomart Toqaev mügedekterdi qoldaw jüyesin küşeytwdi tapsır­dı. Elordada osı künderi 25 mıñğa jwıq mümkindigi şektewli jan, sonıñ işinde 5 mıñğa tarta erekşe qajettiligi bar bala tirkewde tur. Olardı oqıtw, jumıspen qamtw, sportpen aynalısw men demalwlarına jağdaylar jasaw özekti mäselelerdiñ qatarına jatadı. Bas qalada bul tarapta birşama ister qolğa alınğan. Alayda tüytkilder de joq emes. Äsirese, keybir nısandardıñ qoljetimdiligine qatıstı problemalar bar.

«NURLI JÜREKTİÑ» FÏLÏALDARI AŞILSA…

Elordanıñ Jumıspen qamtw jäne älewmettik qorğaw basqarmasına arnayı älewmettik qızmetpen aynalısatın segiz mekeme qaraydı. Solardıñ biri – «Nurlı jürek» älewmettik qızmet körsetw ortalığı. Atalmış ortalıq balalardıñ damw deñgeyine baylanıstı qozğalmalı em, älewmettik beyimdew, älewmettik-turmıstıq bağıt-bağdar berw, älewmettik eñbekke üyretw toptarına bölingen. Qazirgi tañda mekeme 280 bala men jastarğa türli qızmetter körsetedi. Mekeme dïrektorı Serik Böpejanovtıñ aytwınşa, köbirek balanı qamtw üşin qalada ortalıqtıñ fïlïaldarı aşılwı kerek.
– Bizge «Öndiris», «Ïl'ïnka», tağı osı sïyaqtı qalanıñ şetki awmaqtarı sanalatın awdandarınan ata-analar balaların äkeledi. Qalada turğın üy qurılısı qarqındı jürgizilip, baspana köptep salınıp jatqanın estïmiz. Turğın üy keşenderinde fïlïaldarımız aşılsa, jaqsı bolar edi. Sol kezde ata-analar balaların alısqa aparmay, üyleriniñ janında qızmetimizdi alar edi. Bul jağday balanı otbasında saqtaw üşin de özekti. Mäselen, burın 180 jetkinşekke qızmet körsettik. Sonıñ işinde 140 bala stacïonarda jatatın. Qazirgi tañda 280 balanıñ 150-i ğana stacïonar qız­metin paydalanadı. YAğnï qanşama balanı otbasında saqtap qaldıq. Fïlïaldarımız aşılsa, ata-analar ïnvataksï jaldaw, basqa da balağa qatıstı qaptağan problemalardan qutılar edi, – deydi Serik Elemesulı.

KÜNİNE 100 ADAM – JAQSI KÖRSETKİŞ PE?

Ötken jılı elordada memlekettik-jekemenşik äriptestik ayasında elimizde teñdesi joq Paralïmpïadalıq jattığw ortalığı aşıldı. 4682,70 şarşı metr awmaqta boy kötergen nısan bir künde 780 adamdı qabıldawğa qawqarlı. Alayda ortalıq qızmetin köp bolsa künine 100 adam ğana paydalanadı. Jaqında osı mäselege qalalıq mäslïhat depwtattarı nazar awdardı. Onıñ da öz sebepteri bar. Qaraötkel-3 kentinde orın tepken ortalıqqa eki avtobws qana baradı. Jumıspen qamtw jäne älewmettik qorğaw basqarmasınıñ bölim basşısı Ïl'ya Skoptıñ aytwınşa, Kölik jäne jol-kölik ïnfraqurılımın damıtw basqarmasımen qoğamdıq kölik bağdarların köbeytw boyınşa jumıs jürgizilgen. Biraq nätïje äli körinbeydi.
– Jeke äriptestermen birge ortalıqqa adamdardı tartw isi turaqtı jürgiziledi. Bul üşin «Astana Motors» kompanïyası eki mïkroavtobws böldi. Menedjerler mektepterge, ärtürli uyım­darğa barıp, kelissözder jürgizedi. Är alwan beynerolïkter äzirlenwde. Qoğamdıq birlestiktermen birlesip, ärtürli şaralar ötkizilip, jaña sekcïyalar aşılwda. Mümkindigi şektew­li jandardı tasımaldaw üşin arnayı karta äzirlendi. Qazirgi kezde nısanğa adamdardı tartwğa Mädenïet jäne sport basqarması men Jumıspen qamtw jäne älewmettik qorğaw basqarması jawaptı. Kelwşilerdiñ sanın ulğaytw üşin bul iske Qoğamdıq densawlıq saqtaw basqarması men özge de medïcïnalıq uyımdardı tartw kerek dep esepteymiz. Kölik jäne jol-kölik ïnfraqurılımın damıtw basqarması Paralïmpïadalıq jattığw ortalığınıñ aldında ayaldama ornatwdı tezdetip, avtobws bağdarların köbeytw mäselesin qarawı tïis. Munı arnayı kartağa qarap istewge boladı. Bilim basqarması mektep avtobwstarınıñ mügedekterdi tasımaldaw mäselesin qarasa degen tilegimiz de bar. Küz mezgiliniñ ayağına qaray ortalıqqa kelwşilerdiñ sanın künine 150 adamğa jetkizwdi, al kelesi jıldıñ basında 160 adamğa ulğaytwdı josparlap otırmız, – deydi Qalalıq ortanı regeneracïyalaw basqarmasınıñ basşısı Arjan Buğıbaev.
Ulttıq Paralïmpïada komïtetiniñ atqarwşı dïrektorı Erlan Süleymenovtiñ buğan aytar öz wäji bar. Onıñ pikirinşe, ortalıq qızmetin 100 adam pay­dalan­sa, onıñ özi jaman körsetkiş emes.
– Mügedektik tobına baylanıstı barlıq adam sportpen aynalısa almaytını belgili. Keşe ğana «Sarıarqa» velotreginiñ dïrektorımen söylestim. Ol qaladan sporttıq nısanğa künine 400 adam keletinin ayttı. 1 mïllïonnan asa turğını bar qala üşin bul tük emes. Soğan qaramastan äriptesim osını jaqsı körsetkişke balaydı. Al endi qaladağı mügedekter sanın bağamdasaq, mümkindigi şektewli jannıñ 100-i ortalığımızdıñ qızmetin paydalanğanın jaman körmeymin, – deydi Erlan Muratulı.
Paralïmpïadalıq jattığw ortalığınıñ qızmet körsetw sapasına köñili tolmaytın, sonıñ işinde jattıqtırwşılar men nusqawşılardıñ biliktiligine kümändanatın mümkindigi şektewli jandar da bar. Qalalıq mäslïhatqa solardıñ tarapınan arız-şağımdar tüsken. Sonıñ işinde ortalıqta arbağa tañılğan jandarğa sportpen aynalıswğa mülde jağday jasalmağanına nalığandar tabıldı.
«Munday äñgimeniñ qaydan şıqqanın bilmeymin. Ortalıqta 50 trenajer jumıs isteydi. Sonıñ segizi arbağa tañılğandarğa arnalğan» deydi bul twralı Erlan Süleymenov.

EKİNŞİ ORTALIQ SALW, ABONEMENT ENGİZW USINILDI

Almas Erjan densawlığına baylanıstı sportpen aynalısa almaydı. Alayda sw sportı türlerine qızığadı. «Bayqastap qarasam, qalada arbağa tañılğan jandarğa layıq keletin birde-bir basseyn joq eken. Kran sïyaqtı swğa tüsiretin qurılğını kördim. Biraq bul qural qawipsiz emes. Ğalamtor arqılı şetelderde arnayı pandws arqılı swğa tüswge bolatının kördim. Bizge nege osı ülgini almasqa? Paralïmpïadalıq jattığw ortalığına kelsem, bul tarapta qalada bäsekelestik joq dep esepteymin. Sonı biletin ortalıq jumısına jawaptılar kelwşilerdi tartwğa nemquraylı qaraydı. Bäsekeles bolsa, jumıs jandanar edi. Twra osınday bolmasa da, osığan uqsas tağı bir ortalıqtı salayıq. Kerek bolsa, ïnvestordı özim-aq tawıp bereyin. Jağdaydı sonda köremiz. Negizi, osınday nısandarğa kelgende bïzneske emes, mügedekterge köbirek köñil bölwimiz kerek. YAğnï mümkindigi şektewli jandarğa barlıq jağdaylardı jasap, käsipkerler soğan qarap qïmıldawı tïis» deydi ol.
Jasulan Süleymenov mügedekterge arnalğan sporttıq nısandar üyiniñ janında joğın aytıp: «Arbağa tañılğanıma jïırma jıldan astı. Köşedegi sport nemese balalardıñ oyın alañdarında sportpen aynalısamın. Bir jaqsısı, twrnïk­ter densawlıq jağda­yıma la­yıqtalğan, boyıma şaq keledi. Özim oñ jağalawda turamın. Arnayı sporttıq nısandar alıs bolğandıqtan bara almaymın. Osı turğıda mügedekterge kädimgi sporttıq klwbtar men sekcïyalar qızmetin paydalanw üşin abonementtiñ berilwin usınamın» dedi.

QIZMET KÖRSETW İSİNE BASIMDIQ BERİLWİ KEREK

Mäseleniñ bir şeşimin Mügedekterdiñ qazaqstandıq konfederacïyası janındağı «Dort­stroytrest» JŞS-tiñ «Ekor» ortalığınıñ bas sarapşısı Jadırasın Sädwaqasov usınadı.
– Qaladağı nısandardıñ 90 payızı eski bolğandıqtan, qız­met körsetw isine basımdıq berwimiz kerek. Paralïmpïadalıq jattığw ortalığı – qalağa sözsiz qajet nısan. Munday or­ta­lıqtıñ balaması elimizde joq. Al TMD köleminde tipti az. Nısan, mine, dayın tur. Bi­raq mügedek oğan kelmey nege üyin­de otır? Mäsele belgili – nısanğa jete almay otır. Halıqaralıq täjirïbeni eskerip, «Nısandar men qızmetterdiñ qoljetimdiligin qamtamasız etw standartı twralı» qalalıq erejesin bekitwimiz kerek. Munday erejeni äzirledik. Bul qujattı be­kitw ğana qalıp otır, – deydi sarapşı.
J.Sädwaqasovtıñ pikirinşe, osı is qolğa alınbayınşa mügedekterdi ömirge beyimdewdegi tüyt­kilder aldımızdan şığa beredi. Al S.Böpejanov mümkindigi şektewli jandar mäselesimen memlekettik organdar ğana aynalıspay, oğan tutas qoğam atsalıswı kerek dep esepteydi.

Pikir jazw

Poçtañız jarïyalanbaydı