Mügedekter jattığw ortalığına qalay jetedi?

0 158

Bir jıl burın elordada elimizde teñdesi joq Paralïmpïadalıq jattığw ortalığı aşıldı. Qazirgi küni atalmış nısan jumısına qatıstı birqatar tüytkilder anıqtalıp otır. Nur-Sultan qalası mäslïhatına mümkindigi şektewli jandar tarapınan ortalıqtıñ qızmet körsetw sapasına baylanıstı arız-şağımdar kelip tüsken. Keşe mäslïhattıñ turaqtı komïssïyalarınıñ birlesken otırısında osı mäsele qaralıp, jawaptı organ basşılarınıñ esepteri tıñdaldı.

Aldımen bayandama jasağan Qalalıq ortanı regeneracïyalaw basqarmasınıñ basşısı Arjan Buğıbaev Paralïmpïadalıq jattığw ortalığı memlekettik-jekemenşik äriptestik ayasında salınğanın aytıp, ortalıq qızmetin paydalanwşılardıñ sanı künnen-künge artıp kele jatqanın jetkizdi. Mäselen, ötken ayda nısanğa 3 mıñğa jwıq kelw tirkelgen. Al jartı jılda qızmetti paydalanw 13 mıñnan asıp ketken. Sonıñ işinde mümkindigi şektewli sportşılarğa arnalğan balalar-jasöspirimder sport mektebiniñ tärbïe­lenwşileri, «Şarapat», «Nurlı jürek» ortalıqtarınıñ emdelwşileri, tağı osı sïyaqtı arnawlı mekemelerde emdeletinder ortalıq qızmetine jügingen.Ortalıqqa baratındar negizinen trenajer zalına köbirek barğandı qalaydı. Sonday-aq, otırıp voleybol oynaw, para-taekvondo, para-üstel tennïsi sïyaqtı sport türlerimen aynalısatın biraz adam bar. Keyingi kezde yogamen aynalısatındardıñ sanı da artqan.
Alayda atalmış ortalıqqa jetw mümkindigi şektewli jandarğa qïındıq twdıradı. Ortalıq Qaraötkel-3 kentinde ornalasqan. Qalanıñ bir şetinde turatın mügedekter oğan barw üşin qanşama waqıt joğaltadı. Nısanğa qatınaytın avtobwstar da az. Tïisti biliktiligi bar jattıqtırwşılar men nusqawşılardan da tapşılıq sezilip otır. Otırısta osı twralı aytılıp, qalalıq mäslïhat depwtattarı men jïnalısqa qatısqan mümkindigi şektewli jandar tarapınan usınıstar aytıldı. Atap aytqanda, ortalıqqa arnayı avto­bwstardı jiberw, nısandardıñ qoljetimdiligine qatıstı karta jasaw sındı usınıstar qoldaw taptı.

Pikir jazw

Poçtañız jarïyalanbaydı

eleven − 2 =